वजन 285 किलो, उंची 2 फूट 8 इंच, बुटक्या राधाची झाली गिनीज वर्ल्ड रेकॉर्डमध्ये नोंद

19 जून 2022 रोजी बोराटे यांच्या गोठ्यात राधाचा जन्म झाला. सुरुवातीला ती इतर म्हशींसारखीच वाढेल असे वाटले. परंतु दोन वर्षांनंतर तिची उंची वाढणे थांबले हे बोराटे यांचे कृषी पदवीधर पुत्र अनिकेत बोराटे यांच्या लक्षात आले. अनिकेत यांनी राधाला सोलापुरातील श्री सिद्धेश्वर कृषी प्रदर्शनात प्रथमच नेले आणि तिथूनच तिच्या प्रसिद्धीचा प्रवास सुरू झाला. राधाचे छोटेसे काठीमान पाहून लोक थक्क झाले आणि माण तालुक्यातील ही म्हैस चर्चेचा विषय ठरली.

अनिकेत यांनी पशुधन विकास अधिकारी डॉ. शरद थोरात यांच्या मदतीने राधासाठी गिनीज वर्ल्ड रेकॉर्डसाठीची सर्व कागदपत्रे तयार केली. दीर्घ प्रक्रिया पूर्ण झाल्यानंतर 28 ऑक्टोबर 2025 रोजी गिनीज वर्ल्ड रेकॉर्डने अधिकृत मान्यता दिली. त्याचबरोबर इंडिया बुक ऑफ रेकॉर्डमध्येही राधाचे नाव सुवर्णाक्षरांनी कोरले गेले आहे.

राधा (मुऱ्हा संकरित) वय: 3 वर्षे 6 महिने उंची: 2 फूट 8 इंच (89. 8 सेमी)