Festival Special Train : दिवाळीत गावी जाणं होणार अधिक सोयीस्कर; पुण्यातून धावणार 'या' विशेष गाड्या; वाचा वेळापत्रक

पुणे : दरवर्षीप्रमाणे यंदाही दिवाळी आणि छटपूजेच्या सणानिमित्त पुण्यातून आपल्या गावी जाणाऱ्या प्रवाशांची मोठी गर्दी होणार आहे. यंदा दिवाळी 17 ऑक्टोबरपासून सुरू होत असून 25 ऑक्टोबरपासून उत्तर भारतात छटपूजेचा उत्सव साजरा केला जाणार आहे. त्यामुळे या काळात पुणे शहर आणि आसपास राहणाऱ्या कामगार, व्यावसायिक तसेच विद्यार्थ्यांचा मोठा ओघ त्यांच्या गावी जाणार आहे. पुण्यात महाराष्ट्रासह उत्तर प्रदेश, बिहार, तसेच राजस्थान, मध्यप्रदेश आदी राज्यांतील नागरिकांची लक्षणीय संख्या वास्तव्यास असल्यामुळे रेल्वेने प्रवास करणाऱ्यांची संख्या प्रचंड आहे.