पूजा खेडकर हिमनगाचं टोक? महाराष्ट्रातच 44 जण दिव्यांग प्रमाणपत्राचा वापर करून बनलेत सनदी अधिकारी

चंद्रकांत फुंदे, पुणे : पूजा खेडकर यांच्यावर झालेल्या आरोपांनंतर महाराष्ट्रातील त्यांचे प्रशिक्षण थांबवण्यात आलं आहे. त्यांना पुन्हा मसुरीतील अकादमीत परत पाठवले आहे. पूजा खेडकर यांनी पुण्यात प्रशिक्षणार्थी म्हणून काम करताना केलेल्या चमकोगिरीमुळे त्या वादात अडकल्या. त्यांच्यावर खोट्या प्रमाणपत्रांचा वापर करून युपीएससी परीक्षा उत्तीर्ण झाल्याचा आरोप झाले आहेत. त्यांनी वेगवेगळ्या ठिकाणाहून वेगवेगळ्या पत्त्यावरून दिव्यांग प्रमाणपत्रासाठी अर्ज केल्याचंही समोर आलंय. दरम्यान, दिव्यांग सर्टिफिकेटचा वापर करून फक्त महाराष्ट्रातूनच ४४ जणांनी नागरी सनदी सेवेत प्रवेश मिळवल्याची धक्कादायक माहिती समोर आलीय.