वाहनधारकांना मोठा दिलासा! इतर जिल्ह्यातील वाहनधारकांनाही मिळणार पुण्यात HSRP नंबर प्लेट

परिवहन विभागाने वाहनधारकांना 30 एप्रिल 2025 पर्यंतची मुदत देण्यात आली आहे. राज्यभरातील नागरिक पुण्यात वास्तव्यास आहेत. त्यांची वाहने इतर शहरांमध्ये नोंदणी केलेली असल्याने त्यांना उच्च सुरक्षा नंबर प्लेट (एचएसआरपी) लावण्यास अडचणी येत होत्या. ही गैरसोय दूर करण्यासाठी पुण्यात सेंटर वाढविण्यात येणार आहेत. वाहनधारकांनी यानुसार आता एचएसआरपी नोंदणी करताना पुणे सेंटर निवडून हा लाभ घेता येणार आहे. त्यामुळे दुसऱ्या शहरांमध्ये नोंदणी असलेल्या आणि पुण्यात वापरत असलेल्यांना नंबर प्लेट लावण्यासाठी दिलासा मिळणार आहे.

पुण्यात जवळपास 25 लाख वाहनांना उच्च सुरक्षा नंबर प्लेट लावण्यात येणार आहे. सध्या पुण्यात 125 फिटमेंट सेंटर सुरू आहेत. पण, ती वाहन संख्येच्या दृष्टीने पुरेशी नाहीत. त्यामुळे एचएसआरपी बसविण्यासाठी खूप वेळ लागत आहे.