पुणेकरांचं आरोग्य धोक्यात! 393 ठिकाणचं पाणी पिण्यास अयोग्य, धक्कादायक अहवाल समोर

पुणे: पिण्याच्या पाण्यामुळे पुणेकरांचे आरोग्य संकटात असल्याची धक्कादायक बाब समोर आली आहे. पुणे जिल्ह्यात मे आणि जून महिन्यांत 22 हजारांहून अधिक ठिकाणाच्या पाण्याचे नमुने तपासणीसाठी जमा करण्यात आले होते. त्यापैकी 393 नमुने पिण्यास अयोग्य असल्याचं स्पष्ट झालं आहे. राज्य सार्वजनिक आरोग्य प्रयोगशाळेच्या अहवालातून ही माहिती समोर आली आहे. या दूषित नमुन्यांमध्ये ग्रामीण भागासह, पुणे महानगरपालिका आणि पिंपरी-चिंचवड महानगरपालिका क्षेत्रातील नमुन्यांचाही समावेश आहे.