Mansoon Update : राज्यात पुढील दोनतीन दिवसात परतीचा पाऊस; यंदा पावसाची स्थिती कशी राहिली?

राज्यात ऑगस्ट महिन्यात 122 वर्षांतील निच्चाकी पाऊस पडला होता. मात्र, सप्टेंबरमध्ये ती तूट भरून निघाली. राज्यावरचं मोठं संकट दूर झालं आहे. हवामान खात्याने दिलेला अंदाज खरा ठरला असून राज्यात जवळपास 95 टक्के पाऊस पडला. राज्यातील चारही विभागात सरासरी इतका पाऊस झाला आहे. काही जिल्ह्यात अद्याप पाऊस नाही. हवामान खात्याने दिलेला अंदाज तंतोतंत खर ठरला. सप्टेंबरमध्ये झालेल्या पावसामुळे शेतकऱ्यांना फायदा होणार आहे. राज्यातील धरणाच्या पाणीसाठ्यात वाढ झाली आहे. पुढच्या दोन ते तीन दिवसात राज्यात परतीचा पाऊस सुरू होणार आहे. परतीच्या पावसादरम्यान काही ठिकाणी मेघ गर्जनेसह जोरदार पाऊस होणार आहे. गेल्या दोन ते तीन दिवसात पावसाचे प्रमाण कमी झालं आहे, अशी माहिती के एस होसाळीकर यांनी दिली.