काळजी घ्या! पुढील 2 दिवस धोक्याचे, विदर्भासह मराठवाड्यात पुन्हा अतिवृष्टीचा इशारा

पुणे व परिसरात पुढील 3 दिवस आकाश सामान्यतः ढगाळ राहून हलका ते मध्यम स्वरूपाच्या सरी पडण्याची शक्यता आहे. सोमवारी घाट विभागात जोरदार पाऊस पडण्याची शक्यता आहे. त्यामुळे या ठिकाणी यलो अलर्ट देण्यात आला आहे. पुण्यासह कोल्हापूर, सातारा, सांगली या ठिकाणी यलो अलर्ट देण्यात आला आहे. पुण्यात 29 अंश कमाल तर 20 अंश सेल्सिअस किमान तापमान राहण्याचा अंदाज आहे.

विदर्भातील यवतमाळ, नागपूर, चंद्रपूर जिल्ह्यात मुळसाधार पाऊस पडण्याची शक्यता आहे. वादळी वाऱ्यासह जोरदार पाऊस होणार असल्याने या ठिकाणी रेड अलर्ट देण्यात आला आहे. तर, अमरावती, गडचिरोली आणि वर्धा जिल्ह्यांना पावसाचा ऑरेंज अलर्ट देण्यात आला आहे. तर अकोला, भंडारा, बुलढाणा, गोंदिया, वाशिम या जिल्ह्यांना यलो अलर्ट आहे. नागपूर मध्ये 30 अंश कमाल तर 21 अंश सेल्सिअस किमान तापमान असेल.

मराठवाड्यातील संभाजीनगर, जालना, परभणी, बीड, हिगोली, लातूर उस्मानाबाद या जिल्ह्यांना यलो अलर्ट देण्यात आला आहे. तर नांदेड जिल्ह्यात ऑरेंज अलर्ट देण्यात आला आहे. येत्या काही दिवसात मराठवाड्यात तुफान पावसाची शक्यता आहे. संभाजीनगर मध्ये 30 अंश कमाल तर 20 अंश सेल्सिअस किमान तापमान असेल.