काळजी घ्या! सांगलीसह साताऱ्यातील पारा आणखी वाढला, आजचा हवामान अंदाज काय?

पुणे : राज्यातील वातावरणात विचित्र बदल घडून आलाय. राज्यात सध्या अनेक ठिकाणी रात्री आणि सायंकाळच्या वेळी काहीशी थंडी जाणवत आहे. तर दुपारच्या वेळी चांगलाच उकाडा जाणवत असल्याचे दिसून येत आहे. त्याचबरोबर राज्यातील तापमानात देखील बहुतांश वाढ झालेली बघायला मिळत आहे. पश्चिम महाराष्ट्रातही काहीशी अशीच स्थिती असल्याचे दिसून येते. पश्चिम महाराष्ट्रातील सांगली आणि सोलापूरमधील कमाल तापमानात चांगलीच वाढ होऊन ते 38 अंशापर्यंत पोहचले आहे.