आता पिंपरी चिंचवडमध्येही मिळते चिझ मिसळ, किंमत किती, काय आहे यात असं स्पेशल?

पुणे : अनेक प्रसिद्ध असणाऱ्या मिसळ आपण खाल्या असतील. जसे की पुणेरी मिसळ, कोल्हापुरी मिसळ, बेडेकर मिसळ. मात्र, पिंपरी चिंचवडमधील मिसळ वाडा या ठिकाणी चक्क चिझ मिसळ थाळी मिळते.  याबरोबर इथे उपवसाची थाळी तसेंच स्पेशल मिसळ थाळी आणि पावभाजीही मिळते. येथील चव इतकी चांगली आहे की ही मिसळ खाण्यासाठी याठिकाणी लोकांची प्रचंड गर्दीही होत असते. म्हणून या चिझ मिसळचे वैशिष्ट्य काय आहे, ती कशी तयार केली जाते, हे जाणून घेऊयात.

मागील 10 महिन्यांपासून चिंचवड येथील मोरया गोसावी मंदिर परिसरात असलेल् मिसळ वाडा हॉटेल सुरू झाले. इथे रेग्युलर मिसळ, चिझ मिसळ आणि स्पेशल मिसळ मिळते. चिझ मिसळमध्ये मटकी चिवडा आणि ताक दिल जाते आणि यामध्ये पिझ्झासाठी वापरले जाणारे नॉर्मल पद्धतीचे चिझ न वापरता चांगले चिझ वापरले जाते.

आजकाल अनेक मुलांना वाड्याबदल माहिती नसते. यामुळे हॉटेलची थीम पाहिली तर ती पुण्यातील जे प्रसिद्ध वाडे आहेत त्यावर आधारित काही चित्रे इथे पाहिला मिळतात. यामुळे लोकांना त्या वाड्याबदल माहिती मिळते.