गणपती बाप्पाची प्राणप्रतिष्ठा करण्याचा शूभ मुहूर्त कोणता? पाहा काय आहे योग्य पद्धत
- Published by:News18 Marathi
- local18
Last Updated:
गणेश चतुर्थीच्या दिवशी बाप्पाची प्राणप्रतिष्ठा कशी करावी? पाहा योग्य पद्धत
डोंबिवली, 18 सप्टेंबर : सध्या संपूर्ण महराष्ट्राला गणपती बाप्पाच्या आगमनाचे वेध लागले आहेत. गणेशोत्सवाच्या निमित्तानं बाजारपेठा सजल्या आहेत. बाप्पाची मूर्ती वाजत-गाजत घरी नेण्याची लगबग सुरू झालीय. मंगळवारी ( 19 सप्टेंबर) रोजी गणेशोत्सवाला सुरूवात होईल. त्यानंतर पुढील 10 दिवस सर्व वातावरण गणेशमय असेल. बाप्पाला घरी आणण्याची योग्य वेळ कोणती? बाप्पाची प्रतिष्ठापना करण्याचा शूभ मुहूर्त कोणता? कोणत्या गोष्टींची विशेष खबरदारी घ्यावी याची माहिती डोंबिवलीतले गुरुजी सचिन कुलकर्णी यांनी दिली आहे
बाप्पाची प्राणप्रतिष्ठा कशी करावी?
पिठोरी आमवस्येनंतर म्हणजेच 16 सप्टेंबरनंतर 19 तारखेला सकाळपर्यंत कधीही बाप्पाला घरी आणले तरी चालेल, असं कुलकर्णी यांनी स्पष्ट केलं. ही मूर्ती आणताना एक पाट घ्यावा. या पाटावर एक लाल वस्त्र टाकावे. त्यानंतर त्यावर तांदळाचे स्वस्तिक कढावे किंवा तांदूळ ठेवावे . त्यावर बाप्पाची मूर्ती ठेवावी आणि ती लाल कापडात झाकून आणावी. आपली मूर्ती स्थापन करायची आहे. त्यामुळे लाल कपड्यानं ती झाकून ठेवावी.
advertisement
मूर्तीची स्थापना करताना तो कपडा काढावा. मूर्तीच्या डोळ्यांना हाताने दूध आणि पाणी लावावे त्यानंतर शास्त्रोक्त पद्धतीनं बाप्पाची प्राणप्रतिष्ठा करावी, असं कुलकर्णी यांनी सांगितलं.
काय आहे शूभ मुहूर्त?
बाप्पाची स्थापना करण्यासाठी शूभ मुहूर्त कोणता? हा प्रश्न अनेकांना पडतो. यावर्षी गणेश चतुर्थी ही मंगळवारी आलीय. त्यामुळे आंगारा योग आहे. या योगामुळे मूर्तीची स्थापना करण्यासाठी मुहूर्त पाहण्याची गरज नाही. गणेश चतुर्थी 1.45 वाजता आहे. तोपर्यंत तुम्ही बाप्पाची स्थापना करू शकता, अशी माहिती कुलकर्णी यांनी दिली आहे.
advertisement
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Kalyan-Dombivli,Thane,Maharashtra
First Published :
Sep 18, 2023 9:47 AM IST
मराठी बातम्या/अध्यात्म/
गणपती बाप्पाची प्राणप्रतिष्ठा करण्याचा शूभ मुहूर्त कोणता? पाहा काय आहे योग्य पद्धत
