Guru Purnima 2025: शिर्डीतील गुरुपौर्णिमा, साई भक्ताचा अनोखा उपक्रम, 1800 फोटोंचा तो खजिना खुला!

शिर्डी: गुरुपौर्णिमेच्या निमित्ताने शिर्डीत तीन दिवसीय उत्सव मोठ्या उत्साहात साजरा होत असतो. यंदा याच पर्वाचे औचित्य साधत श्री साईबाबा संस्थानच्यावतीने भाविकांसाठी खास पर्वणी उपलब्ध करून देण्यात आलीये. सुरत येथील साईभक्त जिग्नेश राजपूत यांच्या संकल्पनेतून आणि प्रयत्नांतून साकार झालेल्या दुर्मीळ छायाचित्र प्रदर्शनाचे आयोजन करण्यात आले आहे. साईबाबा आणि त्यांच्याशी संबंधित 1800 हून अधिक फोटोंचे प्रदर्शन भरवण्यात आले असून ही दुर्मिळ छायाचित्रे पाहण्यासाठी भाविकांची गर्दी होतेय.