Ekadashi Importance: अशी झाली एकादशी व्रताची सुरुवात, ती अवतरली अन् विष्णूवरचा वार झेलला

मुंबई, 08 डिसेंबर : सर्वसाधारणपणे एकादशी तिथी दर महिन्याला दोनदा कृष्ण पक्ष आणि शुक्ल पक्षात येते. संपूर्ण वर्षात एकूण 24 एकादशी आणि अधिकमास असताना 26 एकादशी असतात. पण, अनेकांना कदाचित माहीत नसेल की, एकादशी व्रताची सुरुवात कशी झाली. आज असलेली उत्पत्ती एकादशी ही एकादशीचे व्रताची सुरुवात मानली जाते. कार्तिक महिन्याच्या कृष्ण पक्षात येणारी एकादशी उत्पत्ती एकादशी म्हणून ओळखली जाते. सर्व एकादशींप्रमाणे उत्पत्ती एकादशी ही देखील भगवान विष्णूच्या उपासनेसाठी समर्पित आहे. पण, उत्पत्ती एकादशीमध्ये भगवान विष्णूच्या शरीरातून जन्मलेल्या एकादशीलाही महत्त्व आहे. याच कारणामुळे या एकादशीला भगवान विष्णूसोबत देवीचीही पूजा केली जाते.