Ganesh Chaturthi 2025: बाप्पाच्या मूर्तीचं तोंड कोणत्या दिशेला असावं? जाणून घ्या योग्य दिशा आणि कारण

मुंबई: गणेश चतुर्थीच्या (27 ऑगस्ट) दिवशी घरोघरी गणपती बाप्पा विराजमान होणार आहेत. त्यासाठी सध्या जोरदार तयारी सुरू आहे. बाजारपेठा आणि मंडईमध्ये सजावटीची खरेदी सुरू आहे. बाप्पाच्या आगमनासाठी घराघरात स्वच्छता, रंगरंगोटी आणि सजावट केली जात आहे. मात्र, या सगळ्या तयारीसोबत एक महत्त्वाचा प्रश्न अनेक भक्तांच्या मनात घोळत असतो की, गणपती बाप्पाची मूर्ती घरात कोणत्या दिशेला बसवावी? या प्रश्नाचं उत्तर जाणून घेण्यासाठी लोकल 18ने वास्तुतज्ज्ञ आणि धार्मिक शास्त्रातील तज्ज्ञ आदित्य जोशी गुरुजी यांच्याशी संवाद साधला.