Masik Shivratri 2025: वर्षातील पहिली मासिक शिवरात्री! या उपायांनी शिवकृपा, कष्टाला नशिबाची साथ

मुंबई : हिंदू धर्मात मासिक शिवरात्रीचे खूप महत्त्व आहे. हिंदू कॅलेंडरनुसार, मासिक शिवरात्रीचे व्रत दर महिन्याच्या कृष्ण पक्षाच्या चतुर्दशीला येते. हे व्रत भगवान शिव आणि माता पार्वती यांना समर्पित आहे. या दिवशी शंकर-पार्वतीची पूजा, व्रत-उपवास केल्यानं सर्व दुःखे आणि संकटे दूर होतात. शिवाची पूजा केल्याने भक्तांना इच्छित लाभ मिळतात. 2025 सालची पहिली मासिक शिवरात्री आज 27 जानेवारीला सोमवारी आहे. सोमवारी मासिक शिवरात्री आल्यानं ती विशेष मानली जात आहे, कारण सोमवार महादेवाच्या पूजेचा वार आहे. ज्योतिषशास्त्रानुसार, मासिक शिवरात्रीच्या दिवशी पूजा करण्यासोबत काही ज्योतिषीय उपाय केले तर महादेवाचे विशेष आशीर्वाद मिळतात. या उपायांबद्दल जाणून घेऊ.