हजार किलोमीटरवरून आणली माती, नागपुरात बंगाली कलाकार घडवतात दुर्गा मूर्ती, Video

नागपूर, 14 ऑक्टोबर: लवकरच अश्विन शारदीय नवरात्र उत्सव प्रारंभ होत आहे. नवरात्रीचे नऊ दिवस एकच उत्साह, नवं चैतन्य आणि भक्तिमय वातावरणाने सर्वत्र एक ऊर्जा संचारणार आहे. नवरात्री उत्सवाच्या काळात दुर्गा देवीच्या मूर्तींची मागणी केली जाते. त्यासाठी संपूर्ण विदर्भात बंगाली कलाकारांनी घडवलेल्या आकर्षक मूर्तींना मागणी असते. विशेष म्हणजे हे कलाकार कलकत्ता येथून दरवर्षी नागपुरात येतात आणि हजारहून अधिक किलोमीटर लांबून आणलेल्या गंगा नदीच्या मातीपासून दुर्गेची मूर्ती घडवतात. गेल्या दोन दशकांहून अधिक काळापासून ही अनोखी परंपरा त्यांनी जपलीय.