29 सप्टेंबरपासून पितृपक्ष सुरू, या 3 तिथींना करा श्राद्ध; अन्यथा पितृ होतील नाराज

यंदा 29 सप्टेंबरपासून पितृपंधरवडा सुरू होणार आहे. 14 ऑक्टोबरला सर्वपित्री अमावस्या आहे. हे 15 दिवस हिंदू धर्मीयांसाठी अतिशय महत्त्वाचे असतात. यातली प्रत्येक तिथी विशेष असते, मात्र 3 तिथींना जास्त महत्त्व असतं. त्या तिथींना पितरांचं श्राद्ध करावंच असं म्हणतात. भोपाळमधले ज्योतिषी आणि वास्तु सल्लागार पंडित हितेंद्र कुमार शर्मा यांनी त्याबाबत मार्गदर्शन केलं आहे.

हिंदू पंचांगानुसार श्राद्ध पक्षातल्या सर्वच तिथी महत्त्वाच्या समजल्या जातात. कारण प्रत्येक तिथीला कोणा ना कोणा पूर्वजाचं निधन झालेलं असतं. त्या तिथींना घराण्यातले वारस त्यांच्या पूर्वजांचं श्राद्ध, तर्पण आणि पिंडदान करतात. त्या 15 दिवसांपैकी भरणी श्राद्ध, नवमी श्राद्ध आणि सर्वपित्री अमावास्या या तिथींना जास्त महत्त्व आहे.