घरात 'या' दिशेला लावा 7 घोड्यांचे चित्र! वास्तूशास्त्रानुसार येईल धन-समृद्धी, कामं होतील सुसाट!

घराच्या दिवाणखोलीतही धावणाऱ्या सात घोड्यांचे चित्र लावता येते. पण अशावेळी, समुद्रकिनारी धावणाऱ्या सात घोड्यांचे चित्र लावावे. याशिवाय घराच्या पूर्व दिशेलाही घोड्याचे चित्र लावावे, मात्र कामाच्या ठिकाणी हे चित्र दक्षिण दिशेलाच लावावे.

घरात घोड्याचे चित्र लावल्याने सुख-समृद्धी येते, तसेच घरात लक्ष्मीचा कायमचा वास असतो. दुसरीकडे, यामुळे नकारात्मक ऊर्जा दूर होऊन सकारात्मक ऊर्जा आणि विचारांची निर्मिती होते. हिंदू धर्म आणि वास्तुशास्त्रात 7 या अंकाला खूप शुभ मानले जाते. सप्तर्षी, इंद्रधनुष्याचे सात रंग, सप्तपदी या सर्वांना खूप शुभ मानले जाते. म्हणूनच, भिंतीवर सात धावणाऱ्या घोड्यांचे चित्र लावणे खूप महत्त्वाचे आहे. सात धावणाऱ्या घोड्यांची चित्रे सहसा व्यावसायिक प्रतिष्ठानांमध्ये लावली जातात. त्यामुळे घरी ही चित्रे लावताना काळजी घ्या. जर तुम्हाला घोड्याचे चित्र लावायचे नसेल, तर तुम्ही त्याऐवजी माशांचे चित्र लावू शकता.