Ramayan : कैकेयीने रामासाठी 14 वर्षांचाच वनवास का मागितला? त्यापेक्षा कमी किंवा जास्त का नाही?

ही कथा देव आणि असूर युद्धात राजा दशरथ देवांना मदत करत असतानाची आहे. युद्धभूमीत जेव्हा त्यांच्या रथाचं चाक खराब झालं तेव्हा कैकेयीने ते आपल्या हाताने धरून राजाचा जीव वाचवला. या शौर्य आणि निष्ठेमुळे प्रभावित होऊन दशरथने कैकेयीला दोन वर देण्याचं वचन दिले जे राणीने भविष्यासाठी राखून ठेवलं.

मंथराच्या विषारी शब्दांनी कैकेयी प्रभावित झाली, तिला खूप राग आला. राजा दशरथ तिला शांत करण्यासाठी आला तेव्हा तिने तिचे दोन्ही वर मागितले. रामावर प्राणापेक्षा जास्त प्रेम करणारा राजा दशरथ कैकेयीच्या कठोर निर्णयाने अत्यंत अस्वस्थ झाला. त्याचं हृदय वेदनेने भरलं होतं पण तो त्याच्या शब्दाने बांधला गेला. शेवटी त्याला रामाला वनवासात पाठवावं लागलं आणि भरतला सिंहासन सोपवावं लागलं.

एका लोकप्रिय समजुतीनुसार, कैकेयीला रघुवंशांच्या रक्षणाची काळजी होती. असं म्हटलं जातं की राजा दशरथाने श्रवणकुमारला अजाणतेपणे मारलं होतं, ज्यामुळे श्रवणकुमारच्या वडिलांनी दशरथला पुत्र वियोगाचा शाप दिला होता. राजा अश्वपतीची कन्या कैकेयी ज्योतिष आणि भविष्यवाण्यांमध्ये पारंगत होती. तिला माहित होतं की जर दशरथच्या मृत्यूनंतर 14 वर्षांच्या आत राजकुमार सिंहासनावर बसला तर रघुवंश गंभीर संकटात पडेल. म्हणूनच, रामाला वनवासात पाठवून कैकेयीने प्रत्यक्षात रघुवंशाचं रक्षण केलं.