उत्तरायणात नदीच्या संगमावर का करतात पवित्र स्नान? हिंदू धर्मातील महत्त्व माहितीये का?

खरंतर देवतांची रात्र म्हणजेच दक्षिणायन अशी संकल्पना आपल्याला पुराणात आढळते. तर उत्तरायणाला देवतांचा दिवस सुरू होतो. भौगलिकदृष्ट्या विचार केला तर पृथ्वीवर देखील उत्तर गोलार्धात ध्रुवीय प्रदेशात 6 महिने दिवस आणि 6 महिने रात्र असते. त्यातील दिवसाचा प्रारंभ म्हणजेच उत्तरायण प्रारंभ होय. याच सर्व कारणांमुळे उत्तरायणाला पुण्यपर्व मानले जाते. या काळात नदीच्या संगमावर स्नान करावे, असेही सांगण्यात आले आहे. त्यामुळेच भारतात ज्या ज्या ठिकाणी नदीच्या संगमावर देवस्थाने आहेत, त्या ठिकाणी भक्त या काळात आवर्जून पवित्र स्नान, पूजापाठ, दानधर्म करतात.

मकर संक्रांतीपासून सुरु होणाऱ्या उत्तरायणात नदीच्या संगमावर स्नान, देवतेचे दर्शन आदींमुळे पुढे येणाऱ्या वर्षाची पवित्र सुरुवात या पुण्यपूर्व काळात केली जाते. दक्षिण भारतात कुंभकोनम, मदुराई, उत्तरेतील प्रयाग याप्रमाणेच नदीचे संगम असणाऱ्या इतर अनेक ठिकाणी मोठ्या प्रमाणावर या पर्वकाळात भाविकांची मोठी गर्दी होत असते, अशी माहिती देखील राणिंगा यांनी दिली आहे.