गणपती बाप्पा मोरया! माघी गणेश जयंतीनिमित्त सिद्धिविनायक मंदिरात मोठा उत्सव, Video

मुंबई: आज माघी गणेश जयंतीनिमित्त भाविकांची राज्यभरातल्या मंदिरामध्ये मांदियाळी पाहायला मिळतेय. मुंबईतल्या सिद्धिविनायक मंदिरातही भाविकांनी पहाटेपासून दर्शनासाठी रांगा लावल्या आहेत. मंदिराला फुलांची आकर्षक सजावट करण्यात आलीये. माघी गणेश जयंतीनिमित्त गेल्या काही दिवसांपासून लगबग सुरु असतानाच हा दिवस उजाडला आणि सर्वत्र या दिवसाचा उत्साह पाहायला मिळत आहे. मंगळवारच्याच दिवशी गणेश जयंतीचा योग आल्यामुळे याबाबत भाविकांमध्येही विशेष आनंद पाहायला मिळत आहे.

दरम्यान, गणेश जयंतीच्या दिवशी नक्तव्रत आचरून ढुंढिराजाचे पूजन करावे आणि तिळसाखरेचे किंवा तिळगुळाचे मोदक अर्पण करावेत असे सांगण्यात येतं. तसेच प्राचीन प्रथांनुसार, गणेश जयंती तसेच गणेश चतुर्थीला चंद्र पाहण्यास मनाई केली जाते.