Nashik News: VIP दर्शन बंद, पहाटेपासूनच मंदिर खुले, श्रावण मासनिमित्त नाशिकची प्रसिद्ध मंदिरे सज्ज

नाशिक: हिंदू धर्मातील पवित्र श्रावण मासाला शुक्रवार, 25 जुलैपासून सुरुवात झाली आहे. नाशिक शहरातील सर्व शिव मंदिरांत या काळात भाविकांची मोठी गर्दी असते. मंदिर प्रशासनाकडून या गर्दीचे नियोजन करण्यात येत आहे. येत्या 28 जुलैला पहिल्या श्रावणी सोमवारनिमित्त शहरातील प्रमुख कपालेश्वर, सोमेश्वर, नीळकंठेश्वर, मनकामेश्वर, नाशिकरोडच्या मंदिरांमध्ये दर्शनासाठी हजारो भाविक येणार आहेत. त्यामुळे सुरक्षिततेच्या दृष्टीनेदेखील उपाययोजना करण्यात आल्या आहेत.