Temple : महाराष्ट्रातील एक असं ठिकाण जिथे सात कुंड, स्वयंभू आहे शिवलिंग, भुयारात सतत वाहतो पाण्याचा प्रवाह, Video

अमरावती : अमरावती जिल्ह्यातील वरुड तालुक्यात गव्हाणकुंड म्हणून एक तीर्थक्षेत्र आहे. त्याला कपिलेश्वर देवस्थान म्हणून ओळखले जाते. हे ठिकाण अमरावती जिल्ह्यांत खूप प्रसिद्ध आहे. या ठिकाणचे विशेष म्हणजे येथे नैसर्गिकरित्या तयार झालेले सात कुंड आहेत. त्या प्रत्येक कुंडाला नाव देण्यात आले आहे. त्याचबरोबर येथील शिवलिंगाचे वैशिष्ट्य म्हणजे येथील शिवलिंगावर सतत दुधाची धार पडत होती, असं तेथील नागरिक सांगतात. त्याचबरोबर येथील शिवलिंगाजवळून एक भुयार आहे, ते भुयार सालबर्डी येथे निघत असल्याचं देखील गावकरी सांगतात.