श्रीरामांच्या स्वागतासाठी नव्या नवरीसारखी सजणार अयोध्या! भाविकांना लुटू शकणार नाही कोणी

अयोध्येला जाणाऱ्या सर्व मार्गांवर सोयी-सुविधांची चोख व्यवस्था आणि सुंदर अशी सजावट करावी. त्यात कोणत्याही प्रकारचा हलगर्जीपणा चालणार नाही. रस्त्यांवरील डागडुजीची सर्व कामं पूर्ण करून घ्यावीत, रस्त्यात ठिकठिकाणी लँडमार्क आणि डिव्हायडर असतील, याची खात्री करून घ्यावी, अशा सूचना संबंधित अधिकाऱ्यांना देण्यात आल्या.

रस्त्यांवरील सर्व लाईट्स व्यवस्थित सुरू आहेत ना, याची खात्री करून घ्यावी. लाईट्समध्ये बिघाड झाला असल्यास तो दुरुस्त करावा, अशा सूचनाही अधिकाऱ्यांना देण्यात आल्या आहेत. शिवाय शहरातल्या सर्व लाईट्स सुरू असायला हव्या. कुठेही मातीचे ढिगारे, निरुपयोगी पोल असल्यास ते तात्काळ हटवावे, असंही सांगण्यात आलंय. महत्त्वाचं म्हणजे श्रीरामांच्या दर्शनासाठी देशभरातून भाविक अयोध्येत दाखल होतील, कुठल्याही परिस्थितीत त्यांच्याकडून वाहतूकीचं अधिक भाडं घेतलं जात नाहीये ना, याबाबतही तपास करण्याचे सक्त आदेश देण्यात आले आहेत.