सावधान! राजयोगही होतील फेल, जर कुंडलीत असेल 'हा' खतरनाक दोष; संकटातून होणार नाही सुटका

Kundali Dosh : ज्योतिषशास्त्रानुसार, एखाद्या व्यक्तीच्या कुंडलीत कितीही शक्तिशाली राजयोग असले, तरी जर त्या कुंडलीवर 'पितृदोषाचे' सावट असेल, तर हे सर्व शुभ योग फेल ठरतात. पितृदोष हा केवळ ग्रहांची स्थिती नसून, ते आपल्या पूर्वजांचे आपल्यावर असलेले एक प्रकारचे 'ऋण' मानले जाते. जेव्हा पूर्वजांचे श्राद्ध विधी योग्य प्रकारे होत नाहीत किंवा त्यांच्या काही इच्छा अपूर्ण राहतात, तेव्हा पुढच्या पिढीच्या कुंडलीत हा दोष निर्माण होतो. या दोषामुळे व्यक्तीला अफाट मेहनत करूनही यशाची चव चाखता येत नाही आणि जीवनात पावलोपावली अडथळे येतात.