Trending:

Vinayaka Chaturthi 2024: बुधवारी विनायक चतुर्थी! 3 शुभ संयोगात गणेश पूजा, पहा मुहूर्त, भद्रकाळ

Published by:Ramesh Patil

Last Updated:March 12, 2024 1:52 PM IST

Vinayaka Chaturthi 2024: पुरी येथील केंद्रीय संस्कृत विद्यापीठाचे ज्योतिषी डॉ. गणेश मिश्रा यांच्याकडून जाणून घ्या, विनायक चतुर्थी कधी आहे? गणेश पूजेसाठी शुभ मुहूर्त आणि धार्मिक महत्त्व?

मुंबई : मार्चमधील विनायक चतुर्थीचे व्रत फाल्गुन महिन्यातील शुक्ल पक्षातील चतुर्थी तिथीला पाळले जात आहे. विनायक चतुर्थी व्रत महिन्यातून एकदा पाळले जाते. या व्रतामध्ये गणपतीची विधीवत पूजा केली जाते. विनायक चतुर्थीला दिवसभर पूजा केली जाते. या महिन्यातील विनायक चतुर्थीला तीन शुभ संयोग निर्माण होत आहेत. पुरी येथील केंद्रीय संस्कृत विद्यापीठाचे ज्योतिषी डॉ. गणेश मिश्रा यांच्याकडून जाणून घ्या, विनायक चतुर्थी कधी आहे? गणेश पूजेसाठी शुभ मुहूर्त आणि धार्मिक महत्त्व?

विनायक चतुर्थी 2024 कधी आहे?

हिंदू कॅलेंडरनुसार, फाल्गुन महिन्याच्या शुक्ल पक्षाची चतुर्थी तिथी बुधवार, 13 मार्च रोजी पहाटे 02:33 पासून सुरू होईल. ही तिथी 13 मार्च रोजी रात्री 11:55 वाजता संपत आहे. उदयतिथीच्या आधारे बुधवार, 13 मार्च रोजी विनायक चतुर्थी व्रत पाळण्यात येणार आहे.

विनायक चतुर्थी व्रत 3 शुभ संयोगात -

यावेळी विनायक चतुर्थी 3 शुभ संयोगात येत आहे. विनायक चतुर्थीच्या दिवशी रवि योग, इंद्र योग आणि बुधवार आला आहेत. रवि आणि इंद्र हे दोन्ही शुभ योग आहेत, ज्यामध्ये पूजा केल्याने पुण्य प्राप्त होते, तर बुधवार हा गणेश पूजेसाठी समर्पित वार आहे, या दिवशी आलेली विनायक चतुर्थी खूप शुभ आहे.

व्रताच्या दिवशी सकाळी 06:33 ते संध्याकाळी 06:24 पर्यंत रवि योग आहे. तर इंद्र योग पहाटेपासून रात्री उशिरा 12.49 पर्यंत आहे.

विनायक चतुर्थी 2024 मुहूर्त -

विनायक चतुर्थीच्या दिवशी विघ्नहर्त्या गणेशाची पूजा करण्याचा शुभ मुहूर्त सकाळी 11:06 ते दुपारी 01:33 पर्यंत आहे. या काळात विनायक चतुर्थीची पूजा करावी.

विनायक चतुर्थी 2024 चा चंद्रोदय वेळ -

13 मार्च रोजी विनायक चतुर्थी, चंद्रोदय सकाळी 08:22 वाजता होईल आणि चंद्रास्त रात्री 09:58 वाजता होईल.

शनिदोष, साडेसातीचा त्रास टाळण्यासाठी हा सोपा उपाय; या 5 राशींना विशेष लाभदायी

विनायक चतुर्थीला भद्रकाळ -

विनायक चतुर्थीच्या दिवशी भद्रकाळाची छाया असेल. व्रताच्या दिवशी, भद्रकाळ दुपारी 02:40 पासून सुरू होईल आणि 01:25 पर्यंत चालेल.

विनायक चतुर्थीच्या व्रताचे महत्त्व -

जो कोणी विनायक चतुर्थीला उपवास करून गणपती बाप्पाची पूजा करतो त्याचे कार्य सफल होते. श्रीगणेश त्याच्या जीवनातील संकटे दूर करतात आणि भक्तांच्या मनोकामना पूर्ण करतात.

झोपाळ्याचं वास्तुशास्त्र! घरात झोपाळा या दिशेला असणं शुभ, झुलण्यापूर्वी पहा नियम

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)

Location :

Mumbai,Maharashtra

First Published :

March 12, 2024 1:52 PM IST

Vinayaka Chaturthi 2024: बुधवारी विनायक चतुर्थी! 3 शुभ संयोगात गणेश पूजा, पहा मुहूर्त, भद्रकाळ