हे काय सापडलं? सगळे हैराण, 4.5 अब्ज वर्षांपूर्वीचा 'खजिना', 50 वर्षे जपून ठेवलेल्या सॅम्पलचा डेटा पाहून सर्वजण हादरले

Moon Origin And Mysterious Past: 50 वर्षे सीलबंद ठेवलेल्या Apollo 17 च्या चांद्रसॅम्पलने उघडताच विज्ञान जगतात खळबळ उडाली आहे. या दगडात चंद्र निर्माण होण्यापूर्वीचे पदार्थ आणि सौरमंडळाच्या सुरुवातीचे पुरावे सापडल्याने वैज्ञानिकही थक्क झाले आहेत.

इम्पॅक्ट शॉटतुमचा गेटवे लेटेस्ट न्यूज

Follow us on Google News

जवळपास 50 वर्षांपासून एक रहस्य तिजोरीत बंद पडले होते. हे रहस्य चंद्राच्या एका छोट्याशा दगडात दडलेले होते. 1972 साली NASA च्या Apollo 17 मिशनने हा दगड पृथ्वीवर आणला होता. परंतु वैज्ञानिकांनी तेव्हा हा सॅम्पल उघडला नव्हता. ते योग्य वेळ आणि योग्य तंत्रज्ञान येण्याची वाट पाहत होते. आता जेव्हा हा सॅम्पल उघडला गेला, तेव्हा विज्ञानविश्वात भूकंप माजला आहे.

advertisement

या दगडामध्ये सौरमंडळाच्या सुरुवातीचे पुरावे सापडले आहेत. यात असे घटक आणि रासायनिक चिन्हे मिळाली आहेत जे कदाचित चंद्र निर्माण होण्यापूर्वीचे असू शकतात. इतकी धक्कादायक माहिती मिळाल्यामुळे स्वतः वैज्ञानिकही स्तब्ध झाले आहेत. हा दगड म्हणजे 4.5 अब्ज वर्षे जुन्या इतिहासाचा साक्षीदार आहे. एक क्षुद्र दगड नव्हे तर पूर्ण ब्रह्मांडाची ‘टाइम मशीन’.

advertisement

ब्राउन युनिव्हर्सिटीचे प्लॅनेटरी सायंटिस्ट जेम्स डोटिन यांनी जेव्हा हा सॅम्पल तपासला तेव्हा ते चकित झाले. त्यांनी पहिल्याच वेळी प्रतिक्रिया दिली, “होली श्मोलीज! हे शक्यच नाही.” त्यांना वाटले डेटा चुकीचा आहे. त्यांनी पुन्हा-पुन्हा सर्व तपासण्यांची पडताळणी केली, पण निष्कर्ष तेच राहिले. सॅम्पल अपेक्षेपेक्षा खूपच जुना, वेगळा आणि रहस्यमय होता.

advertisement

NASA ने हा सॅम्पल 50 वर्षे का जपून ठेवला?

1960 व 70 च्या दशकातील अपोलो मिशन्स अत्यंत महत्त्वपूर्ण होते. अंतराळवीरांनी चंद्रावरून एकूण 382 किलो मिट्टी आणि खडकांचे नमुने गोळा केले. त्या काळी चांगल्या प्रयोगशाळा असूनही वैज्ञानिकांना ठाऊक होते की भविष्यकाळातील तंत्रज्ञान अधिक प्रगत होईल. म्हणूनच काही सॅम्पल्स त्यांनी सीलबंद करून पुढील पिढ्यांसाठी राखून ठेवले.

advertisement

आजची अत्याधुनिक तंत्रज्ञान, विशेषतः मास स्पेक्ट्रोमेट्री, जी एक-एक परमाणूचे वजन मोजू शकते. यामुळे आता ते बारीक बारकाईने अभ्यासले जात आहेत. त्या वेळी घेतलेला निर्णय आज अचूक ठरला आहे.

advertisement

सल्फरमध्ये लपलेला ब्रह्मांडाचा इतिहास

डोटिन आणि त्यांच्या टीमने सॅम्पल 73001/2 ची निवड केली. या दगडात सल्फरचे कण होते आणि सल्फर हा खगोलीय इतिहास समजण्यासाठी अत्यंत महत्त्वाचा घटक आहे. तो लोखंडासारख्या धातूंशी सहज जोडला जातो आणि ग्रहाच्या कोर-मेंटल दरम्यान फिरू शकतो. सल्फरचे आइसोटोप म्हणजे केमिकल बारकोड, ज्यातून कळते की दगड कुठे आणि कसा बनला.

advertisement

या सॅम्पलमध्ये ट्रोइलाइट नावाचा पदार्थ आढळला. जो लोखंड आणि सल्फरचे मिश्रण असून अंतरिक्षात सामान्य मानला जातो. वैज्ञानिकांना वाटत होते की दगडात चंद्रावरील जुने ज्वालामुखीचे पुरावे मिळतील. काही प्रमाणात तसे दिसलेही. जिथे सल्फर-33 ज्वालामुखीजन्य नमुन्यांसारखा होता.

मात्र दुसऱ्या भागात सल्फर-33 ची मात्रा खूपच कमी होती. ही एक अशी खूण होती जी पृथ्वीवर कुठेही दिसत नाही. यामुळे वैज्ञानिक चिंतीत झाले कारण इतक्या कमी सल्फर-33 चे अस्तित्व अल्ट्राव्हायोलेट प्रकाशाने केलेल्या रासायनिक बदलांमुळेच शक्य आहे.

याचा अर्थ दोनपैकी एक असू शकतो

1)दगड चंद्रावरच बनला, तेव्हा चंद्रावर पातळ वातावरण होते

2) किंवा हा दगड चंद्राचा नसून कोणत्या दुसऱ्या ग्रहाचा अंश आहे

पहिली थिअरी: चंद्रावर पसरलेला ‘लाव्हाचा समुद्र’

शास्त्रज्ञांच्या मते चंद्र जेव्हा नवीन तयार झाला, तेव्हा तो पूर्णपणे लाव्हाने व्यापलेला होता. लावा थंड झाल्यावर सल्फर वाष्परूपाने सुटत असे. त्या काळात चंद्राकडे एक अल्पकाळ टिकलेले वातावरण असू शकते. या काळात सूर्यमालेच्या UV प्रकाशाने सल्फरचे आइसोटोप बदलले. ही प्रक्रिया सुमारे 4 अब्ज वर्षांपूर्वी घडली असे मानले जाते.

दुसरी थिअरी: पृथ्वीला धडक देणाऱ्या ‘थिया’ ग्रहाचा पुरावा

ही थिअरी अधिक रोमांचक आहे. विद्यमान मतानुसार, अब्जावधी वर्षांपूर्वी थिया (Theia) नावाचा, मंगळाएवढा आकाराचा ग्रह पृथ्वीला धडकला. त्या धडकेतून उडालेल्या मलब्यातूनच चंद्र तयार झाला.

अनेक वैज्ञानिक सुचवतात, या सॅम्पलमध्ये आढळलेला विचित्र सल्फर थिया ग्रहाचा तुकडा असू शकतो. म्हणजेच हा दगड थिया ग्रहाच्या कोर किंवा मेंटल मधून आला असू शकतो. असे असल्यास इतिहासात पहिल्यांदाच मानवाने थिया ग्रहाचा मूळ पदार्थ हातात घेतलेला असेल.

पृथ्वी-चंद्र नातेसंबंधावर मोठे प्रश्नचिन्ह

आतापर्यंत वैज्ञानिक मानत होते की चंद्र हा मुख्यत्वे पृथ्वीच्या मलब्यातून बनला. पण जर थियाचा अंश चंद्रात आहे, तर ही थिअरी बदलावे लागेल.

याचा अर्थ,

धडकेनंतर थिया पूर्णपणे नष्ट झाला नव्हता

त्याचे काही भाग आजही चंद्राच्या आत सुरक्षित असू शकतात

हा 50 वर्ष जुना सॅम्पल त्या प्रचंड धडकेचा पहिला भौतिक पुरावा ठरू शकतो.

चंद्राच्या आत पदार्थाची ‘मिक्सिंग’ कशी झाली?

जर सल्फरवरील बदल UV प्रकाशामुळे झाले असतील, तर आणखी एक प्रश्न उभा राहतो.चंद्राच्या पृष्ठभागावरून पदार्थ त्याच्या आतल्या स्तरांमध्ये कसा गेला?

पृथ्वीवर हे प्लेट टेक्टोनिक्समुळे शक्य आहे. पण चंद्रावर प्लेट टेक्टोनिक्स नाही. याचा अर्थ चंद्राच्या सुरुवातीच्या काळात काही अज्ञात भूवैज्ञानिक घटना झाल्या असतील.

50 वर्षे हीलियम चेंबरमध्ये बंद असलेला इतिहास

हा दगड 1970 पासून विशेष हीलियम चेंबरमध्ये सीलबंद अवस्थेत होता. जर तेव्हा हा दगड उघडला असता, तर कदाचित हे आइसोटोपिक फरक ओळखता आले नसते. आजच्या आधुनिक तंत्रज्ञानामुळे हे शक्य झाले. NASA ने तेव्हा राखून ठेवलेले सॅम्पल आता जगभरातील वैज्ञानिकांसाठी अमूल्य खजिना ठरले आहे.

आता पुढे काय?

ही माहिती फक्त एका दगडावर आधारित आहे. या रहस्याचा पूर्ण उलगडा करण्यासाठी चंद्राच्या विविध भागांतून आणखी सॅम्पल्सची गरज आहे. कदाचित भविष्यात मंगळ किंवा एस्टेरॉईड्सवरील सॅम्पल्सचीही तुलना करावी लागेल. ही संशोधन माहिती JGR Planets जर्नलमध्ये प्रसिद्ध झाली असून जगभरातील खगोलशास्त्रज्ञांचे लक्ष वेधून घेत आहे.

view comments

Location :

Mumbai,Maharashtra

First Published :

November 27, 2025 11:46 PM IST

मराठी बातम्या/science/

हे काय सापडलं? सगळे हैराण, 4.5 अब्ज वर्षांपूर्वीचा 'खजिना', 50 वर्षे जपून ठेवलेल्या सॅम्पलचा डेटा पाहून सर्वजण हादरले