लहानपणी इतरांचे पालक म्हणायचे, याच्यासोबत खेळाल तर करिअर उद्ध्वस्त होईल, पण आज तो बनला international cricketer

वैभवने पुढे सांगितले की, आकाशदीपने पोलीस कॉन्स्टेबल व्हावे, अशी त्यांची इच्छा होती. आकाशची उंची आणि त्याची शरीरयष्टी चांगली असल्याने त्यांना असे वाटले की, तो पोलीसमध्ये चांगले करिअर करू शकतो. त्यामुळे ते आकाशला फॉर्म भरायला नेहमी सांगायचे. पण आकाशला या नोकरीमध्ये अजिबात रस नव्हता. यासाठी तो नेहमी रिक्त फॉर्म जमा करुन द्यायचा. पण त्याने पूर्ण फॉर्म भरला आहे, असे वडिलांना वाटायचे.

वैभवने सांगितले की, आकाश जेव्हा क्रिकेट खेळायचा तेव्हा सुरुवातीला गल्लीतील मुलंही त्याच्यासोबत खेळायची. पण इतर मुलांचे पालक म्हणायचे की आकाशसोबत खेळू नका. नाहीतर तुम्ही बिघडून जाल. तो दिवसभर क्रिकेट खेळतो. त्याच्यासोबत राहिल्यास तुमचेही करिअर बरबाद होईल. पण, आकाशला या सगळ्या गोष्टींचा त्रास होत नव्हता. त्याने नेहमी आपल्या ध्येयाप्रती प्रामाणिकपणा दाखवला आणि पदार्पणाच्या सामन्यातील त्याची उत्कृष्ट कामगिरी हा त्याचाच परिणाम आहे.