MLC 2025 : 15 कोटी घेऊन प्रितीसोबत विश्वासघात,पंजाबच्या खेळाडू अमेरिकेत खेळला, रेकॉर्डसची मारली हॅट्ट्रीक
- Published by:Prashant Gomane
Last Updated:
खेळाडूला 14.25 कोटी रूपयात प्रिती झिंटाने ताफ्यात घेतलं होतं. मात्र हाच मॅक्सवेल आता अमेरीकेच्या मेजर लीग टी20 क्रिकेटमध्ये वादळी खेळी करतोय. या खेळीते आता मॅक्सवेलने अनेक रेकॉर्ड ब्रेक केले आहेत.
MLC 2025, Glenn Maxwell Record : आयपीएल 2025 मध्ये उपविजेत्या ठरलेल्या पंजाब किंग्जचा स्टार खेळाडू ग्लेन मॅक्सवेल या हंगामात सपशेल अपयशी ठरला होता. या खेळाडूला 14.25 कोटी रूपयात प्रिती झिंटाने ताफ्यात घेतलं होतं. मात्र हाच मॅक्सवेल आता अमेरीकेच्या मेजर लीग टी20 क्रिकेटमध्ये वादळी खेळी करतोय. या खेळीते आता मॅक्सवेलने अनेक रेकॉर्ड ब्रेक केले आहेत. त्याचसोबत टी20 क्रिकेटमध्ये अशी कामगिरी करणारा तो पहिला फलंदाज बनला आहेत. त्यामुळे त्याने नेमके कोणते कोणते रेकॉर्ड ब्रेक केले आहेत.हे जाणून घेऊयात.
मेजर लीग क्रिकेटमध्ये वॉशिंग्टन फ्रिडमचा कर्णधार असलेल्या ग्लेन मॅक्सवेलने लॉस एंजल्स नाईट रायडर्स विरूद्ध वादळी खेळी केली आहे. मॅक्सवेलने 49 बॉलमध्ये 106 धावांची नाबाद खेळी केली आहे. या खेळीत त्याने 13 चौकार आणि 2 षटकार लगावले आहेत. या दरम्यान मॅक्सवेलचा स्ट्राईक रेट हा 216.33 इतका होता.
GLENN MAXWELL IN THE MLC:
First 15 balls - 11 runs (0 fours, 0 sixes).
Last 34 balls - 95 runs (2 fours, 13 sixes).
CRAZY BATTING FROM THE BIG SHOW. 🥶pic.twitter.com/kc4w96EC4D
— Mufaddal Vohra (@mufaddal_vohra) June 18, 2025
advertisement
मॅक्सवेलने ही वादळी खेळी करून अनेक रेकॉर्ड ब्रेक केले आहेत.मॅक्सवेलचं ही टी20 मधलं 8 वे शतक होतं. त्यामुळे अशाप्रकारे मॅक्सवेलने सर्वांधिक शतक मारणाऱ्या खेळाडूंच्या यादीत रोहित शर्माची बरोबरी केली आहे.रोहित शर्माने देखील टी20 क्रिकेटमध्ये 8 शतक ठोकली होती.
टी20 मध्ये सर्वाधिक शतके करणारे फलंदाज
22 – ख्रिस गेल (455 डाव)
advertisement
11 – बाबर आझम (309 डाव)
9 – रिली रोसो (363डाव)
9 – विराट कोहली (397 डाव)
8 – मायकेल क्लिंगर (198 डाव)
8– आरोन फिंच (380 डाव)
8 – डेव्हिड वॉर्नर (411 डाव)
8 – जोस बटलर (425 डाव)
8* – ग्लेन मॅक्सवेल (440 डाव)
8 – रोहित शर्मा (450 डाव)
advertisement
तसेच ऑस्ट्रेलिया संघाकडून सर्वाधिक शतक झळकावण्याच्या यादीत मॅक्सवेलने डेविड वॉर्नर आणि अॅरोन फिंचची बरोबरी केली आहे.मॅक्सवेल सोबत डेविड वॉर्नर आणि अॅरोन फिंचच्या नावावर आठ शतकं आहेत. यासोबत मॅक्सवेल टी20 क्रिकेटमध्ये 10 हजार 500 धावांचा आकडा पार करण्यात यशस्वी ठरला आहे. तसेच त्याच्या नावावल टी20 मध्ये 178 विकेट देखील आहेत. त्यामुळे ऑस्ट्रेलियन खेळाडू 10 हजार 500 धावांसह 170 विकेटआणि पाच पेक्षा अधिक शतक झळकावणारा पहिला फलंदाज ठरला आहे.
advertisement
लीगमध्ये नंबर 6 वर सर्वांधिक खेळी करणारे खेळाडू
ग्लेन मॅक्सवेल - 106*
कोरी अँडरसन - 59*
झेवियर बार्टलेट - 59*
हसन खान - 57
जोशुआ ट्रॉम्प - 57
कसा रंगला सामना
फलंदाजीदरम्यान मॅक्सवेलने पहिल्या 15 चेंडूत 11 धावा केल्या होत्या, परंतु त्यानंतर मॅक्सवेलने पुढील 34 चेंडूत 95 धावा करून चाहत्यांची मने जिंकली. ग्लेन मॅक्सवेलच्या खेळीच्या जोरावर वॉशिंग्टन फ्रीडमने 20 षटकांत 5 गडी बाद 208 धावा केल्या, त्यानंतर लॉस एंजेलिस नाईट रायडर्स संघ लक्ष्याचा पाठलाग करताना 16.3 षटकांत फक्त 95धावाच करू शकला.वॉशिंग्टन फ्रीडम संघ हा सामना 113 धावांनी जिंकण्यात यशस्वी झाला. मॅक्सवेलला त्याच्या वादळी खेळीसाठी सामनावीराचा किताब देण्यात आला.
Location :
Mumbai,Maharashtra
First Published :
June 18, 2025 5:07 PM IST
मराठी बातम्या/स्पोर्ट्स/
MLC 2025 : 15 कोटी घेऊन प्रितीसोबत विश्वासघात,पंजाबच्या खेळाडू अमेरिकेत खेळला, रेकॉर्डसची मारली हॅट्ट्रीक
