Rohit Sharma Record: बाप, बाप होता है....; आज पाकिस्तानला कळाले 'हिटमॅन' का आहे डेंजर
- Published by:Jaykrishna Nair
Last Updated:
Rohit Sharma: भारतीय कर्णधार रोहित शर्माने एकदिवसीय क्रिकेटमध्ये नवा इतिहास रचला आहे. त्याने शाहिद आफ्रिदीचा विक्रम मोडीत काढला. रोहितने वनडे फॉर्मेटमध्ये सर्वाधिक सिक्स (352) मारणारा फलंदाज होण्याचा मान मिळवला.
रांची: भारताचा सलामीवीर आणि 'हिटमॅन' म्हणून ओळखल्या जाणाऱ्या रोहित शर्मा याने एकदिवसीय आंतरराष्ट्रीय (ODI) क्रिकेटमध्ये एक मोठा आणि ऐतिहासिक विक्रम आपल्या नावावर केला आहे. दक्षिण आफ्रिकेविरुद्ध रांची येथे खेळल्या जात असलेल्या पहिल्या एकदिवसीय सामन्यात त्याने एक षटकार ठोकत 'सर्वाधिक षटकार मारणारा फलंदाज' हा किताब पटकावला.
advertisement
विक्रमी षटकार
रांची येथील जेएससीए आंतरराष्ट्रीय स्टेडियमवर भारत आणि दक्षिण आफ्रिका यांच्यातील पहिल्या वनडे सामन्यात, रोहित शर्माने हा विक्रमी षटकार मारला. त्याचा हा कारकिर्दीतील 352वा षटकार ठरला, ज्यामुळे त्याने पाकिस्तानच्या शाहिद आफ्रिदी (Shahid Afridi) याचा 351षटकारांचा विक्रम मोडीत काढला. सिक्सचा विक्रम करण्याआधी रोहितने वनडेमधील 60वे अर्थशतक पूर्ण केले.
advertisement
सर्वाधिक षटकार (Most Sixes in ODIs)
रोहित शर्मा आता एकदिवसीय क्रिकेटमध्ये सर्वाधिक षटकार मारणाऱ्या फलंदाजांच्या यादीत अव्वल स्थानी पोहोचला आहे.
| क्रमांक | फलंदाज | षटकार (Sixes) |
| 1 | रोहित शर्मा | 352* |
| 2 | शाहिद आफ्रिदी | 351 |
| 3 | ख्रिस गेल (Chris Gayle) | 331 |
| 4 | सनथ जयसूर्या (Sanath Jayasuriya) | 270 |
| 5 | एम. एस. धोनी (MS Dhoni) | 229 |
advertisement
भारताच्या डावाची सुरूवात रोहित शर्मा आणि यशस्वी जयस्वाल यांनी केली होती. यशस्वी 16 चेंडूत 18 धावांवर बाद झाला. त्यानंतर सर्व सूत्रे संघातील सर्वात धोकादायक, अनुभवी आणि यशस्वी फलंदाज असलेल्या रोहित आणि विराट यांनी हाती घेतली. या दोघांनी दुसऱ्या विकेटसाठी 109 चेंडूत 136 धावांची भागिदारी केली. विक्रमी सिक्स मारल्यानंतर रोहित शर्मा मोठी खेळी करेल असे वाटले होते मात्र तो 51 चेंडूत 57 धावा करुन बाद झाला. आजच्या डावात रोहितने 3 सिक्स आणि 5 चौकार मारले.
advertisement
वनडे सर्वाधिक षटकार मारणाऱ्या खेळाडूंच्या यादीत याआधी आफ्रिदी अव्वल स्थानी होता. त्याने 369 डावात 351 सिक्स मारले होते. मात्र रोहितने हा विक्रम फक्त 269 डावात मोडला. या यादीत सध्या वनडे क्रिकेट खेळणाऱ्या पैकी विराट रोहितच्या मागे आहे आणि तो या यादीत 157 सिक्ससह 13व्या स्थानावर आहे.
advertisement
Location :
Mumbai,Maharashtra
First Published :
November 30, 2025 3:15 PM IST
मराठी बातम्या/स्पोर्ट्स/
Rohit Sharma Record: बाप, बाप होता है....; आज पाकिस्तानला कळाले 'हिटमॅन' का आहे डेंजर
