ENG Into Semis : न्यूझीलंड अन् श्रीलंकेच्या 2-2 मॅच शिल्लक तरीही इंग्लंड थेट सेमीफायनलमध्ये कशी? लॉजिक काय? कुणालाच कळलं नाही

ग्रुप बीचं समीकरण पाहिलं तर रोमांचक परिस्थिती निर्माण झाली आहे. इंग्लंडने दोन्ही सामने जिंकून चार पाईंट्स नावावर केलेत. तर न्यूझीलंडचा एकच सामना झाला असून तो पाकिस्तानविरुद्ध पावसामुळे अनिर्णयीत राहिला होता. तर पाकिस्तानचा दोन सामने झाले असून एख अनिर्णयीत आणि एक इंग्लंडकडून पराभव झाला आहे. तर श्रीलंकेचा एक सामना झाला असून श्रीलंकेला इंग्लंडकडून पराभवाचं तोंड पहावं लागलं होतं.

इंग्लंडचा एक सामना शिल्लक आहे. न्यूझीलंडविरुद्ध येत्या 27 तारखेला हा सामना होईल. तर दुसरीकडे पाकिस्तानचा देखील एकच सामना शिल्लक आहे. पाकिस्तानने काहीही केलं तरी तीन अंकापर्यंतच त्यांना पोहोचता येईल. म्हणजेच इंग्लंड नेहमीच पाकिस्तानच्या वर राहिल. तर दुसरीकडे न्यूझीलंड आणि श्रीलंका यांचे दोन सामने शिल्लक असून त्यातील एक सामना याच दोन संघात होणार आहे. याचाच अर्थ असा की, दोन्ही पैकी कोणताही एक संघ जिंकेल आणि एका संघाचा पराभव होईल. त्यामुळे पराभूत होणारी टीम चार पाईंट्सपर्यंत पोहोचूच शकत नाही. अशाप्रकारे पाकिस्तान आणि न्यूझीलंड आणि श्रीलंका यांच्यापैकी एक.. पाईंट्स टेबलमध्ये टीम इंग्लंडच्या खाली राहिल. त्यामुळे इंग्लंड टॉप 2 मध्ये असणार आहे.

दरम्यान, न्यूझीलंड आणि श्रीलंका यांच्यातील सामना आज खेळवला जाणार आहे. त्यामुळे ग्रुप बीमधून सेमीफायनलला कोण जाणार? याचं चित्र आजच स्पष्ट होणार आहे. तसेच पाकिस्तानला देखील आजच बॅगा भरून लाहौरचा रस्ता शोधावा लागेल. तर न्यूझीलंड आणि श्रीलंका या दोन्ही संघासाठी आजचा सामना करो या मरो असा असणार आहे. त्यामुळे सर्वांची उत्सुकता शिगेला पोहोचली आहे.