Trending:

Rohit Sharma : रोहित शर्माचं शतक हुकलं, पण... हिटमॅनने 25 वी रन काढताच स्टेडियम उभं राहिलं!

Published by:Shreyas Deshpande

Last Updated:December 06, 2025 8:27 PM IST

रोहित शर्माने आंतरराष्ट्रीय क्रिकेटमध्ये आणखी एका विक्रमाला गवसणी घातली आहे, याचसोबत त्याने सचिन तेंडुलकरच्या क्बलमध्ये एन्ट्री घेतली आहे.

इम्पॅक्ट शॉटतुमचा गेटवे लेटेस्ट न्यूज

रोहित शर्माचं शतक हुकलं, पण... हिटमॅनने 25 वी रन काढताच स्टेडियम उभं राहिलं!

विशाखापट्टणम : रोहित शर्माने आंतरराष्ट्रीय क्रिकेटमध्ये आणखी एका विक्रमाला गवसणी घातली आहे. दक्षिण आफ्रिकेविरुद्धच्या तिसऱ्या वनडेमध्ये रोहितने आंतरराष्ट्रीय क्रिकेटमध्ये 20 हजार रन पूर्ण केले आहेत. हा विक्रम करणारा रोहित भारताचा चौथा खेळाडू बनला आहे. याआधी सचिन तेंडुलकर, विराट कोहली आणि राहुल द्रविड यांनी आंतरराष्ट्रीय क्रिकेटमध्ये 20 हजार रनचा टप्पा गाठला होता.

रोहित शर्माने विशाखापट्टणममधल्या तिसऱ्या वनडेमध्ये 25 रन करताच आंतरराष्ट्रीय क्रिकेटमध्ये 20 हजार रन पूर्ण केले. दक्षिण आफ्रिकेचा स्पिनर केशव महाराजच्या बॉलवर एक रन काढून रोहितने हा विक्रम केला. आंतरराष्ट्रीय क्रिकेटमध्ये सचिन तेंडुलकरच्या नावावर सर्वाधिक 34,357 रन आहेत. तर विराटने 27,910 आणि राहुल द्रविडने 24,208 रन केले आहेत.

14 वा खेळाडू बनला रोहित

रोहित शर्मा आंतरराष्ट्रीय क्रिकेटमध्ये 20 हजार रन करणारा जगातला 14 वा खेळाडू बनला आहे. रोहितने 505 आंतरराष्ट्रीय सामन्यांमध्ये 20 हजार रन पूर्ण केले. रोहितने भारताकडून 67 टेस्ट, 279 वनडे आणि 159 टी-20 आंतरराष्ट्रीय मॅच खेळल्या आहेत.

रोहितची 35 वी शतकी पार्टनरशीप

37 वर्षांच्या रोहितने दक्षिण आफ्रिकेविरुद्धच्या पहिल्या सामन्यातही अर्धशतक केलं होतं. तर तिसऱ्या सामन्यात त्याने यशस्वी जयस्वालसोबत 155 रनची पार्टनरशीप केली. 73 बॉलमध्ये 75 रन करून रोहित आऊट झाला. रोहितची वनडे क्रिकेटमधली ही 35 वी शतकी पार्टनरशीप होती. रोहितआधी सचिन तेंडुलकरने 40 वेळा असा कारनामा केला आहे.

view comments

Location :

Visakhapatnam,Andhra Pradesh

First Published :

December 06, 2025 8:19 PM IST

Rohit Sharma : रोहित शर्माचं शतक हुकलं, पण... हिटमॅनने 25 वी रन काढताच स्टेडियम उभं राहिलं!