2007, 2011, 2026! भारत पुन्हा विश्वविजेता, तिसऱ्या वर्ल्ड चॅम्पियनचे 'केरळम' कनेक्शन; अजब योगायोग पाहून व्हाल थक्क

2007 मध्ये दक्षिण आफ्रिकेत जेव्हा पहिला टी-20 विश्वचषक खेळला गेला, तेव्हा भारतीय संघात केरळचा वेगवान गोलंदाज एस. श्रीशांत होता. जोहान्सबर्गच्या फायनलमध्ये पाकिस्तानच्या मिसबाह-उल-हकचा तो ऐतिहासिक कॅच श्रीशांतनेच पकडला आणि भारत पहिल्यांदा विश्वविजेता झाला. त्यावेळी कर्णधार होते महेंद्रसिंग धोनी.

28 वर्षांनंतर भारताने जेव्हा 2011 मध्ये घरच्या मैदानावर एकदिवसीय विश्वचषक जिंकला, तेव्हाही श्रीशांत संघात होता. आश्चर्याची गोष्ट म्हणजे, श्रीशांतला अंतिम सामन्यात (फायनलमध्ये) खेळण्याची संधी मिळाली होती. वानखेडेवर श्रीशांत संघात होता आणि भारताने श्रीलंकेला हरवून कप उंचावला. याही वेळी 'कॅप्टन कूल' धोनीच होता.

आता 2026 मध्ये भारताने पुन्हा एकदा टी-20 विश्वचषक जिंकून इतिहास रचला आहे. विशेष म्हणजे यावेळीही संघात केरळचा संजू सॅमसन महत्त्वाच्या भूमिकेत होता. संजूने 2026 च्या फायनलमध्ये 89 धावांची ऐतिहासिक खेळी करून भारताला विश्वविजेता बनवण्यात सिंहाचा वाटा उचलला. संजूने फक्त फायनल नाही तर त्याआधी सेमीफानल आणि सुपर-8मध्ये वेस्ट इंडिज विरूद्धच्या सामन्यात महत्त्वाची खेळी केली होती.