IPL 2024 Award List : विराट, अभिषेक शर्मा ते सुनील नरेन....; कोणाला कोणता पुरस्कार? खेळाडूंवरही बक्षिसाचा वर्षाव

चेन्नई : यंदाच्या आयपीएल हंगामात केकेआरने अंतिम सामन्यात सनरायजर्स हैदराबादला हरवून तिसऱ्यांदा आयपीएलचं विजेतेपद पटकावलं. अंतिम सामन्यात केकेआरने सनरायजर्स हैदराबादचा ८ गडी राखून पराभव केला. केकेआरने याआधी २०१२ आणि २०१४ मध्ये विजेतेपद पटकावलं होतं. केकेआरला ट्रॉफीसह २० कोटी रुपयांचे बक्षिससुद्धा मिळालं. आयपीएलमध्ये उपविजेतेपदावर समाधान मानावं लागलेल्या सनरायजर्स हैदराबादला १२.५ कोटी रुपये मिळाले. याशिवाय स्पर्धेतील इतर खेळाडूंवरही बक्षिसाचा वर्षाव झाला. केकेआरला ट्रॉफी जिंकून मिळालेली रक्कम ही त्यांचाच स्टार गोलंदाज मिशेल स्टार्कला लिलावात मिळालेल्या रकमेपेक्षा कमी आहे. इतकंच काय तर सनरायजर्स हैदराबादचा कर्णधार पॅट कमिन्सलासुद्धा विजेत्या संघापेक्षा जास्त रक्कम लिलावात मिळालीय.