IPL 2026 : ऑस्ट्रेलियाचा ग्रीन बनला आयपीएलचा 'धुरंधर', ऑक्शनच्या इतिहासातील सगळ्या विक्रमांची धूळधाण!

अबू धाबी : आयपीएल 2026 च्या लिलावामध्ये आतापर्यंतचे सगळे विक्रम तुटले असून नवा इतिहास घडला आहे. ऑस्ट्रेलियाचा ऑलराऊंडर कॅमरून ग्रीन हा आयपीएलच्या इतिहासातील सगळ्यात महागडा परदेशी खेळाडू ठरला आहे. कॅमरून ग्रीनसाठी केकेआर आणि राजस्थान यांच्यात कांटे की टक्कर पाहायला मिळाली. आयपीएलच्या लिलावामध्ये येताना केकेआरकडे 64.30 कोटी रुपये तर राजस्थानकडे 16.05 कोटी रुपये उपलब्ध होते, त्यामुळे आधीपासूनच या दोन टीम कॅमरून ग्रीनच्या मागे जाणार हे निश्चित मानलं जात होतं. ग्रीनवरून केकेआर आणि सीएसके यांच्यात बिडींग वॉर होईल, असं बोललं जात होतं, पण सीएसकेने ग्रीनला विकत घेण्यात सुरूवातीला रस दाखवलाच नाही, त्यामुळे आश्चर्य व्यक्त केलं गेलं, पण 13 कोटी 60 लाखांनंतर सीएसकेची लिलावामध्ये एन्ट्री झाली. सीएसकेकडे 43.40 कोटी रुपये उपलब्ध होते.