IPL लिलावात काहीतरी मोठं घडणार, मुंबईच्या कोचचा इशारा, कोणते खेळाडू टार्गेटवर?

मुंबई : आयपीएलने मागच्या काही वर्षांमध्ये टीम इंडियाला अनेक दिग्गज खेळाडू दिले आहेत, जे विरोधी टीमसाठी संकट बनले, यातले बरेचसे खेळाडू हे मुंबई इंडियन्सने भारतीय टीमला दिले आहेत. आयपीएलच्या प्रत्येक मोसमात मुंबई अशा नव्या खेळाडूंना शोधत असते. मुंबई इंडियन्स लिलावामध्ये अशा अनेक अज्ञात नावांवर बोली लावते आणि रात्रीतून हे खेळाडू हिरे बनतात. यंदाही मुंबई इंडियन्स आयपीएल लिलावासाठी सज्ज आहे. आयपीएल 2026 साठीचा मिनी ऑक्शन 16 डिसेंबरला होणार आहे. आयपीएल लिलावाआधी मुंबई इंडियन्सचे प्रशिक्षक महेला जयवर्धने यांनी महत्त्वाचे संकेत दिले आहेत.