पैसा वसूल! होऊ दे खर्च म्हणत गंभीरने घेतला संघात, सुरुवातीला गंडलेल्या स्टार्कने शेवटी केली कमाल

चेन्नई : यंदाच्या आयपीएल हंगामात केकेआरने लीग फेरीसह नॉकआऊट सामन्यातही जबरदस्त कामगिरी केली. दहा वर्षांनी पुन्हा आय़पीएलचं विजेतेपद पटकावलं. केकेआरचं हे तिसरं विजेतेपद ठरलं. यंदाच्या हंगामात पॉइंट टेबलमध्ये अव्वल राहिलेल्या केकेआरने क्वालिफायरमध्ये सनरायजर्स हैदराबादला हरवलं. त्यानंतर पुन्हा फायनलमध्ये धडक मारलेल्या हैदराबादवर सहज विजय मिळवला. प्रथम फलंदाजी करताना सनरायजर्स हैदराबादचा डाव ११३ धावातच आटोपला. त्यांना पूर्ण २० षटकेही फलंदाजी करता आली नाही. तर कोलकाता नाइट रायडर्सने हे आव्हान १०.३ षटकात दोन गड्यांच्या मोबदल्यात पूर्ण केलं.