'प्रत्येक बॉल सिक्स गेला पाहिजे नाहीतर...', वडिलांनी दिली होती धमकी, CSK च्या 14.20 कोटींच्या खेळाडूचा शॉकिंग खुलासा!

एवढ्या कमी वयात तुझ्यात सिक्स हिटिंगची कला कशी जमली? असा सवाल समालोचक जतीन सपरू याने विचारला. त्यावर कार्तिक शर्माने उत्तर दिलं. माझ्या वडिलांनी माझ्याकडून तयारी करून घेतली होती. त्यांना आक्रमक बॅटिंग आवडते. बॉल जर डिफेन्स केला तर मी तुला मारेन, असं धमकी माझ्या वडिलांन मला दिली होती, असं कार्तिक शर्मा म्हणाला.

माझे वडील नेहमी म्हणायचे प्रत्येक बॉल मारून खेळायचा. मी लहान असल्यापासून त्यांनी मला सांगितलं होतं की, प्रत्येक बॉल स्टेडियममध्ये पोहोचायला हवी, असं कार्तिक म्हणाला. त्यावर समालोचक जतीनने प्रश्न केला की, वडील सांगत होते पण कोचने सांगितलं नाही का? की डिफेन्स कर... हळू खेळ किंवा आणखी काही... त्यावर कार्तिक म्हणतो, दिवसा डिफेन्सचा सराव करत होते तरी देखील वडील रात्री फक्त सिक्स मारण्याचा सराव घ्यायचे, म्हणून मी आज इथंपर्यंत पोहोचू शकलो, असं कार्तिक म्हणाला.

कार्तिकच्या वडिलांनी माध्यमांना सांगितले की एकदा तो कार्तिकसोबत ग्वाल्हेरमध्ये एका स्पर्धेत खेळण्यासाठी गेला होता तेव्हा पैसे संपले अन् त्यांना हॉटेल सोडून रात्रीच्या निवारामध्ये राहावे लागले आणि रात्र उपाशी काढावी लागली. नंतर, संघाने अंतिम सामना जिंकला. कार्तिकला क्रिकेटपटू बनवण्यासाठी त्याच्या वडिलांनी कर्जही घेतले. त्यांनी एक बॉलिंग मशीन विकत घेतली आणि त्याला सराव करायला लावला.