SRHच्या कामगिरीने काव्या नाराज, अश्रू अनावर; सामना संपण्याआधीच स्टेडियम सोडलं, VIDEO VIRAL

चेन्नई : आयपीएल 2024 सनरायजर्स हैदराबादला हरवून कोलकाता नाइट रायडर्सने आयपीएल विजेतेपद पटकावलं. केकेआरने तिसऱ्यांदा आयपीएलवर नाव कोरलं. यासह हैदराबादचं दुसऱ्यांदा विजेतेपद पटकावण्याचं स्वप्न भंगलं. केकेआरने फायनलला हैदराबादला ८ गडी राखून नमवलं. या सामन्यावेळी हैदराबादच्या संघाची मालकीन काव्या मारन स्टेडियममध्ये होती. पण सामन्यात सुरुवातीपासूनच सनरायजर्स हैदराबादची कामगिरी निराशाजनक अशी राहिली. हैदराबादचे फलंदाज स्वस्तात बाद झाले. त्यानंतर गोलंदाजही विशेष कामगिरी करू शकले नाही. केकेआरची ६ षटके झाली तेव्हाच नाराज झालेली काव्या मारन स्टेडियममधून बाहेर निघाली होती. काही वेळाने ती पुन्हा स्टेडियममध्ये आली. त्यावेळी तिला अश्रू अनावर झाले होते.