MI vs GT Eliminator : एलिमिनेटर सामन्याआधी गिलचं टेन्शन वाढलं, 538 धावा करणारा खेळाडू स्पर्धेतून बाहेर

जोस बटलर गुजरातसाठी विकेटकीपर-फलंदाज म्हणून भूमिका बजावत होता आणि तो यष्टीच्या मागे आणि पुढे उत्कृष्ट कामगिरी करत होता. जोस बटलरच्या फलंदाजीने गुजरातला प्लेऑफमध्ये नेण्यातही महत्त्वाची भूमिका बजावली, त्याने 14 सामन्यांमध्ये 163.03 च्या स्ट्राईक रेट आणि 59.78 च्या सरासरीने 538 धावा केल्या. जोस बटलरने आयपीएलच्या या हंगामात गुजरातसाठी तिसऱ्या क्रमांकावर फलंदाजी केली आणि धावा करण्यात सातत्यपूर्ण कामगिरी केली. बटलरला संघातून वगळणे हा खरोखरच कर्णधार गिलसाठी मोठा धक्का आहे.

बटलरला संघातून बाहेर गेल्यानंतर मुंबईविरुद्ध गुजरातमध्ये तिसऱ्या क्रमांकावर कोण फलंदाजी करणार हा मोठा प्रश्न आहे. तथापि, गुजरातने आधीच जोस बटलरच्या जागी श्रीलंकेचा यष्टीरक्षक-फलंदाज कुसल मेंडिसला करारबद्ध केले होते. गुजरातने मेंडिसला ७५ लाख रुपयांना करारबद्ध केले होते आणि त्याची जागा २६ मे पासून प्रभावी झाली कारण बटलरने २५ मे रोजी सीएसकेविरुद्ध हंगामातील शेवटचा सामना खेळला होता.