VIDEO : बियर महागात पडली, थेट कर्णधारालाच दाखवला बाहेरचा रस्ता, टीममध्ये 'नो एंट्री'!

Cricket News : सध्या क्रिकेट विश्वात बऱ्याच गोष्टी घडत आहेत. त्यात आता एक आणखी खळबळजनक गोष्ट समोर येत आहे. इंग्लंडविरुद्धच्या अ‍ॅशेस मालिकेतील पहिल्या कसोटीसाठी ऑस्ट्रेलियाचा संघ जाहीर करण्यात आला आहे. पहिला कसोटी सामना 21 नोव्हेंबर रोजी पर्थमध्ये खेळला जाईल. पॅट कमिन्सच्या दुखापतीमुळे अनुभवी फलंदाज स्टीव्ह स्मिथला संघाचा कर्णधार म्हणून निवडण्यात आले आहे. तर एकदिवसीय आणि टी-20 कर्णधाराला संघातून वगळण्यात आले आहे. गेल्या महिन्यात त्याने पर्थ कसोटीदरम्यान बिअर प्यायल्याची कबुली देऊन सर्वांना धक्का दिला होता. हे विधान महागात पडले आणि कदाचित म्हणूनच त्याला संघात स्थान देण्यात आलेले नाही. मुख्य निवडकर्ता जॉर्ज बेली यांनीही या विषयावर महत्त्वपूर्ण भाष्य केले आहे.