Trending:

17 वर्षाच्या मुलासोबत 50 वर्षांच्या वडिलांनी गाजवलं स्टेडियम, इंटरनॅशनल क्रिकेटमध्ये असं पहिल्यांदाच घडलं! पाहा कोण?

Published by:Saurabh Talekar

Last Updated:November 09, 2025 8:05 AM IST

Father and son pair played in International cricket : ऑस्ट्रेलियाजवळच्या ईस्ट तिमोर या बेटावरील क्रिकेट टीमने क्रिकेटच्या इतिहासात एक मोठा विक्रम रचला आहे.

इम्पॅक्ट शॉटतुमचा गेटवे लेटेस्ट न्यूज

father and son pair played together first time in international cricket

New history in cricket : क्रिकेटमध्ये काही अशक्य असेल कसं क्वचितच घडतं. क्रिकेटमध्ये आपण भावा भावाच्या अनेक जोड्या पाहिल्या असेल. भावांच्या जोड्यांनी अनेक क्रिकेटचे सामने जिंकवले असतील. अशातच आता क्रिकेटच्या मैदानावर पहिल्यांदाच बाप अन् लेकाची जोडी आंतरराष्ट्रीय क्रिकेटमध्ये खेळताना पहायला मिळाली. ऑस्ट्रेलियाजवळच्या ईस्ट तिमोर या बेटावरील क्रिकेट टीमने आपल्या आंतरराष्ट्रीय प्रवासाची सुरुवात जरी पराभवाने केली असली तरी, या टीमने क्रिकेटच्या इतिहासात एक मोठा विक्रम रचला आहे. टीममधील सुहैल सत्तार (Suhail Sattar) आणि याहया सुहैल (Yahya Suhail) हे आंतरराष्ट्रीय क्रिकेटमध्ये एकाच वेळी खेळणारे पहिले वडील-मुलगा ठरले आहेत.

पहिल्या आंतरराष्ट्रीय सामन्यात इतिहास

50 वर्षांचे सुहैल आणि त्यांचा 17 वर्षांचा मुलगा याह्या यांनी 6 नोव्हेंबर रोजी इंडोनेशियाविरुद्ध ईस्ट तिमोरच्या पहिल्या आंतरराष्ट्रीय सामन्यात ही ऐतिहासिक कामगिरी केली. विशेष म्हणजे, या दोघांनी एकत्र बॅटिंगही केली. ईस्ट तिमोरच्या आंतरराष्ट्रीय क्रिकेटचा प्रवास मात्र निराशाजनक ठरला आहे. त्यांनी आपले सुरुवातीचे तिन्ही मॅच 10-10 विकेट्सने गमावले आहेत.

आई-मुलगी आंतरराष्ट्रीय क्रिकेटमध्ये...

यापूर्वी महिला क्रिकेटमध्ये आई-मुलगी आंतरराष्ट्रीय क्रिकेटमध्ये एकत्र खेळल्या आहेत. या वर्षी, स्वित्झर्लंडच्या महिला टीममधील मॅटी फर्नांडीस (Matty Fernandes) आणि त्यांची मुलगी नैना मेटी साजू (Naina Matty Saju) यांनी सहा T20 आंतरराष्ट्रीय मॅचमध्ये एकत्र खेळण्याचा विक्रम केला आहे.

शिवनारायण चंद्रपॉल आणि तेगनारायण

पुरुषांच्या क्रिकेटमध्येही अशा जोड्यांची चर्चा आहे. वेस्ट इंडिजचे शिवनारायण चंद्रपॉल आणि तेगनारायण यांनी 2014 मध्ये गयानासाठी 11 फर्स्ट क्लास मॅचमध्ये एकत्र खेळले होते. तसेच, अफगाणिस्तानचे मोहम्मद नबी अजूनही सक्रिय क्रिकेट खेळत आहेत, जेणेकरून त्यांना भविष्यात आपला मुलगा हसन इसाखिलसोबत आंतरराष्ट्रीय मॅच खेळता येईल.

लिलीव्हाइट कुटूंब

क्रिकेटमध्ये वडील-मुलगा एकाच टीममध्ये एकत्र खेळण्याची पहिली नोंद 1851 मध्ये झाली होती. इंग्लंडमध्ये 1851 ते 1853 दरम्यान लिलीव्हाइट कुटुंबाने (Lillywhite family) असा विक्रम केला होता. विलियम लिलीव्हाइट हे त्यांचे दोन मुलगे, जॉन आणि जेम्स यांच्यासोबत एकाच टीममधून खेळले होते.

view comments