राजस्थान रॉयल्सची संकट संपेना! संजू-द्रविड वादानंतर आता आणखी एक भानगड सुप्रीम कोर्टात

मुंबई : आयपीएल 2025 च्या मोसमात नवव्या क्रमांकावर राहिलेल्या राजस्थान रॉयल्ससमोरची संकटं काही कमी व्हायचं नाव घेत नाहीयेत. आधीच कर्णधार संजू सॅमसन याने टीमची साथ सोडण्याची इच्छा व्यक्त केली आहे, तर राहुल द्रविडने टीमच्या मुख्य प्रशिक्षकपदाचा राजीनामाही दिला आहे, यानंतर आता राजस्थान रॉयल्सचं आणखी एक प्रकरण सुप्रीम कोर्टात पोहोचलं आहे. खेळाडूच्या इन्श्युरन्सबाबत राष्ट्रीय उपभोक्ता विवाद निवारण आयोग (NCDRC) यांच्या निर्णयाविरोधात विमा कंपनी सुप्रीम कोर्टात पोहोचली आहे.