IND vs PAK : पाकिस्तानला पुन्हा लायकी दाखवली… टीम इंडियाने सामना जिंकलाच, पण 'नो हँडशेक' ड्रामा सुरूच!

भारतीय आणि पाकिस्तानी खेळाडूंमध्ये क्रीडाभावनेवरून अशी परिस्थिती निर्माण होण्याची ही पहिलीच वेळ नाही. यापूर्वी, आशिया कप दरम्यान, सूर्यकुमार यादवने नाणेफेकीच्या वेळी पाकिस्तानचा कर्णधार सलमान अली आघाशी हस्तांदोलन करण्यास नकार दिला होता. त्यानंतर, 2025 च्या महिला विश्वचषकात, हरमनप्रीत कौरच्या नेतृत्वाखालील भारतीय महिला संघाने पाकिस्तानविरुद्धच्या सामन्यानंतर हस्तांदोलन करण्यास नकार दिला होता. आता, दिनेश कार्तिकच्या संघाने हाँगकाँग सिक्सेसमध्येही असेच केले.

हाँगकाँगमधील टिन क्वाँग रोड रिक्रिएशन ग्राउंडवर खेळल्या गेलेल्या सहा षटकांच्या या सामन्यात भारताने प्रथम फलंदाजी करताना 86 धावा केल्या. भारताकडून रॉबिन उथप्पाने सर्वाधिक 28 धावा केल्या, त्याने 11 चेंडूत दोन चौकार आणि तीन षटकार मारले. भरत चिपलीने 24 धावांचे योगदान दिले आणि कर्णधार दिनेश कार्तिकने 17 धावांचे योगदान दिले. पाकिस्तानकडून मोहम्मद शहजादने दोन बळी घेतले.