"ले पंगा" म्हणत Pro Kabaddi League 11 चं ग्रँड ओपनिंग, पहिल्या मॅचमध्येच दिसलं Telugu Titans चं रौद्र रूप

विशेष म्हणजे या पर्वाच्या ग्रँड ओपनिंगसाठी बहुप्रतिक्षित ''भूलभुलैया 3'' ची स्टारकास्ट उपस्थित होती. हैदराबाद येथे पार पडलेल्या या सामन्याचा विद्या बालन आणि कार्तिक आर्यन यांनी मनमुराद आनंद लुटला. हा सामना पाहताना त्यांचा उत्साहही पाहण्यासारखा होता. मागच्या पर्वात तेलुगू टायटन्स हा संघ पॉईंट्स टेबलमध्ये शेवटच्या स्थानावर होता. मात्र आजच्या पहिल्याच सामन्यातील विजय त्यांच्यासाठी आशादायी ठरू शकतो. या सामन्याची विशेष बाब म्हणजे प्रो कबड्डीमधील दोन उत्कृष्ट खेळाडू पवन सेहरावत आणि परदीप नरवाल आमनेसामने होते. तथापि, या सामन्यात परदीप नरवालला खास कामगिरी करता आली नाही. याउलट पवन सेहरावतने १३ पॉईंट्स घेऊन या सामन्यातील बेस्ट रेडर ठरला आहे. बेंगलुरु बुल्सच्या सुरिंदरने ५ बळी घेत त्याचं हाय-फाय पूर्ण केलं.