IND vs AUS : भारतासमोर पेच, अर्धा संघ 'आऊट'; रोहितसमोर प्लेइंग 11 निवडण्याचं आव्हान

राजकोट, 27 सप्टेंबर : भारत आणि ऑस्ट्रेलिया यांच्यात तीन एकदिवसीय सामन्यांची मालिका सुरू आहे. यातील पहिले दोन सामने जिंकून भारताने विजयी आघाडी घेतलीय. आता तिसरा सामना जिंकून क्लीन स्वीपची संधी भारतीय संघाकडे असणार आहे. या सामन्यासाठी भारतीय संघात मोठे बदल होणार आहेत. भारताचा कर्णधार रोहित शर्मा, विराट कोहली यांचे संघात पुनरागमन होईल. तर ऑस्ट्रेलियाच्या संघात पॅट कमिन्स अन् मिशेल स्टार्क परतण्याची शक्यता आहे. रोहित शर्मा आणि विराट कोहलीला या दोन गोलंदाजांविरुद्ध आपली तयारी कशी आहे हे पाहण्याची संधी असेल. दरम्यान, तिसऱ्या सामन्याआधी भारतीय संघासमोर मोठा पेच आहे. भारतात राजकोट वनडेसाठी प्लेइंग ११ निवडण्याचे संकट निर्माण झाले आहे.