Trending:

Team India : देशप्रेम जागं झालं अन् 32 वर्षाच्या खेळाडूने ऑस्ट्रेलियाला ठोकला रामराम, टीम इंडियाच्या जर्सीत खेळणार!

Published by:Saurabh Talekar

Last Updated:November 07, 2025 8:31 AM IST

Ryan Williams In Indian football team camp : विल्यम्सच्या आयुष्यात एक महत्त्वाचा टप्पा आला. त्याने आपले ऑस्ट्रेलियाचे नागरिकत्व सोडण्याचा आणि भारतीय पासपोर्ट घेण्याचा निर्णय घेतला.

इम्पॅक्ट शॉटतुमचा गेटवे लेटेस्ट न्यूज

Ryan Williams called up to senior mens team

Indian national football team camp : ऑस्ट्रेलियाचा स्टार फुटबॉलर रायन विल्यम्स या ॲंग्लो-इंडियन फुटबॉलपटूने 2023 मध्ये बेंगलुरु एफसी मध्ये प्रवेश घेतला, तेव्हा त्याच्या मनात केवळ फुटबॉल नव्हतं. विल्यम्सने इंग्लंडमधील पोर्ट्समाउथ आणि फुलहॅम या क्लब्सकडून खेळला आहे. तसेच, 2013 च्या अंडर-ट्वेंटी वर्ल्ड कपमध्ये त्याने ऑस्ट्रेलियाचे प्रतिनिधित्व केलं होतं आणि दक्षिण कोरियाविरुद्ध झालेल्या एका फ्रेंडली मॅचमध्ये तो ऑस्ट्रेलियाच्या वरिष्ठ सॉकरू टीममध्येही खेळला होता. पण पर्थ ग्लोरी टीमकडून खेळताना त्याला काहीतरी कमी वाटत होतं. त्यानंतर आता त्याने महत्त्वाचा निर्णय घेतला आहे. तो आता भारतात खेळताना दिसेल.

दोन वर्षांनंतर, विल्यम्सच्या आयुष्यात एक महत्त्वाचा टप्पा आला. त्याने आपले ऑस्ट्रेलियाचे नागरिकत्व सोडण्याचा आणि भारतीय पासपोर्ट घेण्याचा निर्णय घेतला. या निर्णयामुळे 32 वर्षीय विल्यम्स आता भारतीय राष्ट्रीय टीममध्ये निवडीसाठी पात्र ठरला आहे. या महिन्याच्या अखेरीस बांगलादेशविरुद्ध होणाऱ्या एएफसी आशियाई कप 2027 च्या पात्रतेच्या मॅचमध्ये तो पदार्पण करण्याची शक्यता आहे. विल्यम्ससाठी मायदेशी परतण्याचा हा निर्णय मोठा असल्याचं पहायला मिळतंय.

विल्यम्सचा भारताशी असलेला संबंध त्याच्या कुटुंबाशी जोडला जातो. त्याचे आजोबा लिंकन एरिक ग्रॉस्टेट हे मुंबईतील प्रसिद्ध फुटबॉलपटू होते. त्यांनी तत्कालीन टाटा टीमकडून खेळताना 1956 च्या संतोष ट्रॉफी नॅशनल मॅचमध्ये बॉम्बेचे प्रतिनिधित्व केले होते. महान प्रशिक्षक सय्यद रहीम यांच्या हैदराबाद टीमकडून त्यांचा अंतिम टायटल थोडक्यात निसटला होता.

दरम्यान, विल्यम्स हा जपानमध्ये जन्मलेल्या इझुमी अराटा नंतर भारतीय नागरिकत्व स्वीकारणारा खेळाडू ठरला आहे. इझुमीने 2012 मध्ये भारतीय नागरिकत्व घेतले होते आणि तो 2013 साफ चॅम्पियनशिप आणि 2014 एएफसी कप पात्रता टीमचा भाग होता.

view comments

Location :

Mumbai,Maharashtra

First Published :

November 07, 2025 8:30 AM IST

Team India : देशप्रेम जागं झालं अन् 32 वर्षाच्या खेळाडूने ऑस्ट्रेलियाला ठोकला रामराम, टीम इंडियाच्या जर्सीत खेळणार!