क्रिकेटरने केलं 3 वेळा लग्न... तिसऱ्या पत्नीने दिला धोका, बदला घेण्यासाठी लीक केले प्रायव्हेट मुमेंट्स
- Published by:Manasee Dhamanskar
Last Updated:
जगभरातील गोलंदाजांच्या मनात भीती निर्माण करणाऱ्या या फलंदाजाने तीन लग्न केली. हे तिन्ही लग्न त्याचे फार काळ टिकू शकले नाहीत आणि तिसऱ्या पत्नीने धोका देताच बदला घेण्याच्या भावनेने या क्रिकेटपटूने भयंकर कांड केला.
Sanath Jayasuriya : सनथ जयसूर्याची गणना जगातील स्फोटक सलामीवीर फलंदाजांमध्ये केली जाते. माजी डावखुरा फलंदाज जयसूर्या आज (30 जून) 56 वर्षांचा झाला. या फलंदाजाने मर्यादित षटकांच्या क्रिकेटची व्याख्या बदलली. 1996 च्या विश्वचषकात रोमेश कालुविथरणासोबत डावाची सुरुवात करण्यासाठी आलेल्या जयसूर्याने बॅटने असा कहर केला की तो अजूनही लोकांच्या मनात आहे. या क्रिकेटपटूची क्रिकेट कारकीर्द खूपच शानदार होती. जयसूर्याने त्याच्या वेगवान फलंदाजी आणि फिरकी गोलंदाजीने श्रीलंकेला अनेक सामन्यांमध्ये संस्मरणीय विजय मिळवून दिले. परंतु जयसूर्याचे वैयक्तिक आयुष्य त्याच्या क्रिकेट कारकिर्दी इतके शानदार नव्हते. तो त्याच्या वैयक्तिक आयुष्याबद्दल नेहमीच वादात राहिला. तीन वेळा लग्न करणाऱ्या जयसूर्याचे तिन्ही विवाह अयशस्वी झाले.
पहिल्या पत्नीला दिला घटस्फोट
जगभरातील गोलंदाजांच्या मनात भीती निर्माण करणाऱ्या सनथ जयसूर्या यांनी 1998 मध्ये एअर श्रीलंकेच्या ग्राउंड होस्टेस सुमुद करुणानायकेशी लग्न केले. हे लग्न एक वर्षही टिकले नाही आणि ते तुटले. सहा महिन्यांनंतर जयसूर्या यांनी सुमुदुला घटस्फोट देण्याचा निर्णय घेतला. काही वृत्तांनुसार, जयसूर्या यांनी म्हटले होते की हे लग्न त्यांच्या क्रिकेट कारकिर्दीसाठी हानिकारक आहे. जयसूर्या यांनी दावा केला होता की त्यांच्या पत्नीने त्यांना सोडून दिले आहे आणि या लग्नामुळे त्यांना त्रास होत आहे, ज्याचा त्यांच्या क्रिकेट कारकिर्दीवर वाईट परिणाम होत आहे.
advertisement
जयसूर्याला त्याच्या दुसऱ्या पत्नीपासून 3 मुले आहेत
पहिले लग्न तुटल्यानंतर, सनथ जयसूर्याने 2000 मध्ये सँड्रा डी सिल्वाशी लग्न केले. सँड्रा ही श्रीलंकेच्या एअरलाइन्सची माजी फ्लाइट अटेंडंट होती. जयसूर्या आणि सँड्रा यांना तीन मुले होती. तिन्ही मुलांची नावे सविंदी जयसूर्या, यालिंदी जयसूर्या आणि रौनक जयसूर्या अशी आहेत. काही वर्षांनी, जयसूर्याचे सँड्रा डी सिल्वासोबतचे लग्नही तुटले. 2012 मध्ये सनथ जयसूर्या आणि सँड्रा डी सिल्वा यांचा घटस्फोट झाला. मीडिया रिपोर्ट्सनुसार, या घटस्फोटाचे कारण सनथ जयसूर्याचे विवाहबाह्य संबंध होते.
advertisement
सनथ जयसूर्यानं बदला घेण्यासाठी आपल्या तिसऱ्या पत्नीचे खाजगी क्षण लीक केले
जयसूर्यानं अभिनेत्री मलिका सिरिसेनासोबत प्रेमसंबंध सुरू केले. फेब्रुवारी 2012 मध्ये सनथ जयसूर्या आणि मलिका सिरिसेना यांनी माउंट लव्हिनिया येथील एका बौद्ध मंदिरात अतिशय गुप्त पद्धतीने त्यांचे लग्न नोंदवले. मलिका सिरिसेना ही श्रीलंकेची मॉडेल आणि चित्रपट अभिनेत्री होती. लग्नानंतर काही काळातच मलिका सिरिसेना यांनी सनथ जयसूर्याला सोडून एका व्यावसायिकाशी लग्न केले. मीडिया रिपोर्ट्सनुसार, सनथ जयसूर्यानं 2017 मध्ये सूडबुद्धीने मलिका सिरिसेना यांचा एक आक्षेपार्ह व्हिडिओ लीक केला. या व्हिडिओमध्ये जयसूर्याला त्याच्या प्रेयसीसोबत पाहिल्याचा आरोप आहे. हा व्हिडिओ व्हॉट्सअॅप आणि इतर सोशल मीडिया प्लॅटफॉर्मवर व्हायरल झाला.
advertisement
जयसूर्याची क्रिकेट कारकीर्द
सनथ जयसूर्याने 110 कसोटी आणि 445 एकदिवसीय सामने खेळले. त्याने 14 शतकांसह कसोटीत 6973 धावा केल्या, तर जयसूर्याच्या एकदिवसीय सामन्यात 13430 धावा आहेत. जयसूर्याने एकदिवसीय सामन्यात 28 शतके केली. श्रीलंकेच्या माजी कर्णधाराच्या नावावर आंतरराष्ट्रीय क्रिकेटमध्ये 440 विकेट्स आहेत. 2011 मध्ये क्रिकेटमधून निवृत्ती जाहीर करणारा जयसूर्या विश्वचषक विजेत्या संघाचा भाग आहे.
Location :
Mumbai,Maharashtra
First Published :
June 30, 2025 12:22 PM IST
मराठी बातम्या/स्पोर्ट्स/
क्रिकेटरने केलं 3 वेळा लग्न... तिसऱ्या पत्नीने दिला धोका, बदला घेण्यासाठी लीक केले प्रायव्हेट मुमेंट्स
