संजू, वर्ल्डकपपूर्वी हे काय केलंस? करिअरवर लागला कधीही न पुसला जाणारा 'डाग'; टीम इंडियात आता मोठ्या फेरबदल संकेत

टी-20 वर्ल्ड कपसाठी सलामीवीर म्हणून निवड झालेल्या संजू सॅमसनचा या मालिकेत बॅट अजिबात चाललेली नाही. पहिल्या दोन सामन्यांत स्वस्तात बाद झाल्यानंतर गुवाहाटीत मोठी खेळी पाहायला मिळेल, अशी अपेक्षा होती. पण तिसऱ्या सामन्यात तर त्यांचे खातेही उघडले नाही. पारीच्या पहिल्याच चेंडूवर सॅमसन बाद झाले आणि त्यांच्या टी-20 कारकिर्दीवर कायमचा डाग लागला.

या सामन्यासह संजू सॅमसनने टी-20 आंतरराष्ट्रीय क्रिकेटमध्ये डावाच्या पहिल्याच चेंडूवर बाद होण्याचा नकोसा विक्रम आपल्या नावावर केला. असा प्रकार घडणारा तो चौथा भारतीय फलंदाज ठरला आहे.

पृथ्वी शॉ – श्रीलंका विरुद्ध, कोलंबो (2021)

रोहित शर्मा – वेस्ट इंडीज विरुद्ध, बासेतेरे (2022)

संजू सॅमसन – न्यूझीलंड विरुद्ध, गुवाहाटी (2026)

दरम्यान, तिलक वर्मा दुखापतीतून सावरून पुनरागमनासाठी सज्ज आहे आणि ईशान किशनही उत्तम फॉर्ममध्ये आहे. त्यामुळे टीम मॅनेजमेंटसमोर संजू सॅमसन आणि ईशान किशन यांच्यातून एकाची निवड करण्याचे मोठे आव्हान आहे. सध्याची परिस्थिती पाहता, दमदार पुनरागमन करणाऱ्या ईशान किशनचे पारडे जड दिसत आहे. उर्वरित दोन सामन्यांत संजू सॅमसन धावा करण्यात अपयशी ठरले, तर टी-20 वर्ल्ड कपमध्ये त्यांना बेंचवर बसावे लागू शकते. अभिषेक शर्मासोबत सलामीसाठी ईशान किशनला संधी दिली जाण्याची दाट शक्यता आहे.