Trending:

IPL 2025: मुंबई विरूद्ध हरली, तरी गिलची टीम 'इतके' कोटी जिंकली? इंग्लंडला जाण्यापुर्वी पार्टी करणार

Published by:Prashant Gomane

Last Updated:May 31, 2025 11:52 PM IST

गुजरात टायटन्स यंदाच्या आयपीएलमधली चौथी रनरअप ठरली आहे. त्यामुळे या संघाला बक्षीस रूपात आता किती कोटी रक्कम मिळणार हे जाणून घेऊयात.

Shubman Gill, Gujarat Titans Forth Runner Up : एलिमिनेटर सामन्यात मुंबई इंडियन्सनी गुजरात टायटन्सचा 20 धावांनी पराभव केला आहे. या पराभवासह शुभमन गिलचं आयपीएल ट्रॉफीवर नाव कोरण्याचं स्वप्न भंगलं आहे. तसेच गुजरात टायटन्स यंदाच्या आयपीएलमधली चौथी रनरअप ठरली आहे. त्यामुळे या संघाला बक्षीस रूपात आता किती कोटी रक्कम मिळणार हे जाणून घेऊयात.

खरं तर मुंबईने दिलेल्या 229 धावांच्या आव्हानाचा पाठलाग करताना गुजरातची सुरूवात खराब झाली. इनिंगच्या पहिल्याच ओव्हरच्या चौथ्या बॉलला गुजरातचा कर्णधार शुबमन गिल आऊट झाला. ट्रेन्ट बोल्टने गिलला एलबीडब्ल्यू केलं, यानंतर कुसाल मेंडिस हिट विकेट आऊट झाला, पण त्यानंतर साई सुदर्शन आणि वॉशिंग्टन सुंदरने मुंबईच्या बॉलिंगवर आक्रमण केलं. साई सुदर्शनने 49 बॉलमध्ये 80 आणि वॉशिंग्टन सुंदरने 24 बॉलमध्ये 48 रनची खेळी केली.

वॉशिंग्टन सुंदर आणि साई सुदर्शन गुजरातला जिंकवून देणार असं वाटत असतानाच मुंबईचा कर्णधार हार्दिक पांड्याने जसप्रीत बुमराहच्या हातात बॉल दिला, त्यानंतर बुमराहने यॉर्कर बॉलवर सुंदरला बोल्ड केलं आणि मुंबईने सामन्यात कमबॅक केलं. यानंतर 2 ओव्हरनी साई सुदर्शनही बोल्ड झाला. यानंतर इतर खेळाडूने गुजरातला जिंकपण्यासाठी प्रयत्न केले पण ते अपयशी ठरले.

आता आयपीएलच्या बक्षीस रक्कमाप्रमाणे फोर्थ रनरअप असलेल्या संघाला 6.5 कोटी बक्षीस रक्कम मिळणार आहेत.त्यानुसार आता गुजरातला 6.5 कोटी बक्षीस रक्कम मिळाली आहे.