'सनरायजर्स हैदराबाद'ची मालकीण काव्या मारनने बदललं टीमचं नाव, आता या नावासह मैदानात उतरणार!

मुंबई : आयपीएलमधल्या सनरायजर्स हैदराबाद फ्रॅन्चायजीची मालकिण काव्या मारनने टीमचं नाव बदलण्याचा निर्णय घेतला आहे. काव्या मारनने आयपीएलमधील सनरायजर्स हैदराबाद नाही तर द हंड्रेड लीगमधल्या नॉर्दन सुपरचार्जर्सचं नाव बदललं आहे. काव्या मारनने द हंड्रेडमध्ये खेळणाऱ्या तिच्या टीमचं नाव आता सनरायजर्स लीड्स ठेवलं आहे. 2026 साली सुरू होणाऱ्या द हंड्रेडच्या मोसमाआधी नॉर्दन सुपरचार्जर्सचं नाव बदललं जाईल, अशा बातम्या आधीच प्रसिद्ध झाल्या होत्या, आता या बातम्यांवर शिक्कामोर्तब झालं आहे.